FUSE TEA Lemon and Honey» REKLAMA AKSIYASINI O‘TKAZISH QOIDALARI OMMAVIY OFERTA O‘ZBEKISTON RESPUBLIKASI

1. UMUMIY QOIDALAR

1.1. Ushbu «FUSE TEA Lemon and Honey» reklama aksiyasini o‘tkazish qoidalari (keyingi o‘rinlarda — «Qoidalar») «FUSE TEA Lemon and Honey» reklama aksiyasini (keyingi o‘rinlarda — «Aksiya») o‘tkazish tartibi, muddatlari va shartlarini, Ishtirokchilarga qo‘yiladigan talablarni, Aksiyada ishtirok etish va G‘oliblarni aniqlash tartibini, shuningdek Sovrinlarni topshirish tartibini belgilaydi.

1.2. Aksiya Buyurtmachisi:

«Coca‑Cola CA Services» mas’uliyati cheklangan jamiyat shaklidagi xorijiy korxona («Coca‑Cola CA Services» MCHJ XK), quyidagi manzilda ro‘yxatdan o‘tgan: O‘zbekiston Respublikasi, 100060, Toshkent shahri, Mirobod tumani, Taras Shevchenko ko‘chasi, 21A-uy, «Gross Plaza» biznes markazi, 305-ofis.

keyingi o‘rinlarda — «Kompaniya» va/yoki «Buyurtmachi».

1.3. Aksiya Tashkilotchisi:

«2Reels agency» MChJ

STIR: 310902786

Yuridik manzil: Toshkent sh., Shayxontohur tumani, «Hadra» MFY, Sebzor ko‘chasi, 5-uy.

Elektron manzil:

Telefon:

keyingi o‘rinlarda — «Tashkilotchi».

1.4. Tashkilotchi Kompaniya buyurtmasiga binoan Aksiyani tashkil etish va o‘tkazishni, ishtirok etish shartlarining bajarilishini tekshirishni, Ishtirokchilar ro‘yxatini shakllantirishni, potensial G‘oliblarni aniqlash tartib-taomilini o‘tkazishni, potensial G‘oliblarni tekshirishni, G‘oliblar bilan o‘zaro aloqani, Sovrinlarni xarid qilish va topshirishni, Sovrinlarni topshirishni hujjatlashtirishni, shuningdek Sovrinlarni topshirish munosabati bilan yuzaga keladigan amaldagi soliq majburiyatlarini bajarishni amalga oshiradi.

1.5. Aksiya iste’molchilarning FUSE TEA brendi va mahsulotiga e’tiborini jalb qilish, brendning tanilishini oshirish hamda iste’molchilarning brend va uning reklama faoliyati bilan o‘zaro aloqasini rag‘batlantirish maqsadida o‘tkaziladi.

1.6. Aksiya O‘zbekiston Respublikasi qonunchiligiga va ushbu Qoidalarga muvofiq o‘tkaziladi.

1.7. Aksiyada ishtirok etish faqat ixtiyoriy va bepul asosda amalga oshiriladi. Aksiyada ishtirok etish uchun mahsulot xarid qilish talab etilmaydi.

1.8. Aksiya lotereya, qimor o‘yini yoki garov (pari) hisoblanmaydi. Ishtirokchilar Aksiyada ishtirok etish imkoniyatini olish uchun haq to‘lamaydi.

1.9. Ishtirokchining ushbu Qoidalarda nazarda tutilgan harakatlarni bajarishi Ishtirokchining ushbu Qoidalar bilan tanishganini, ushbu Qoidalarni qabul qilganini va ularga to‘liq hajmda rioya qilishga rozi ekanini bildiradi.

1.10. Ishtirokchi Aksiyada ishtirok etishdan oldin ushbu Qoidalar bilan mustaqil ravishda tanishib chiqishi shart.

1.11. Aksiyada ishtirok etish Ishtirokchining Aksiyani o‘tkazish tartibini, G‘oliblarni aniqlash shartlarini va Sovrinlarni topshirish tartibini tushunishini bildiradi.

 

2. AKSIYANI O‘TKAZISH HUDUDI VA MUDDATLARI

2.1. Aksiya O‘zbekiston Respublikasi hududida Instagram ijtimoiy tarmog‘ida o‘tkaziladi.

2.2. Ishtirokchilar Aksiyada ishtirok etish shartlarini bajarishi mumkin bo‘lgan davr: 2026-yil 19-oktabr, soat 00:00 dan 2026-yil 28-oktabr, soat 23:59 gacha (shu jumladan), Toshkent shahri vaqti bilan.

2.3. Potensial G‘oliblarni aniqlash 2026-yil 31-oktabr kuni soat 16:00 da Toshkent shahri vaqti bilan o‘tkaziladi.

 

3. AKSIYA ISHTIROKCHILARI

3.1. Aksiyada O‘zbekiston Respublikasi hududida istiqomat qiluvchi, Aksiyada ishtirok etish vaqtida 18 yoshga to‘lgan va ushbu Qoidalarning barcha shartlarini bajargan muomalaga layoqatli jismoniy shaxslar ishtirok etishi mumkin.

3.2. Aksiyada quyidagilar ishtirok etishi mumkin emas:

  • Buyurtmachi xodimlari va ularning yaqin qarindoshlari; «2Reels agency» MChJ xodimlari va ularning yaqin qarindoshlari;
  • Aksiyani tashkil etish va o‘tkazishda bevosita ishtirok etuvchi shaxslar;
  • ushbu Aksiyani o‘tkazishda bevosita jalb etilgan pudratchi tashkilotlar va reklama agentliklarining xodimlari;
  • botlar, soxta akkauntlar, avtomatlashtirilgan dasturlar yoki ishtirok etishning boshqa insofsiz usullaridan foydalanuvchi shaxslar.

3.3. Tashkilotchi potensial G‘olibdan uning shaxsini, yoshini va ushbu Qoidalar shartlariga muvofiqligini tasdiqlash uchun zarur bo‘lgan ma’lumotlar va hujjatlarni so‘rab olish huquqiga ega.

 

4. ISHTIROK ETISH SHARTLARI

4.1. Aksiyada ishtirok etish uchun quyidagi barcha shartlarni bajarish zarur:

4.1.1. Instagram’dagi @fusetea_uz rasmiy sahifasiga obuna bo‘lish.

Ishtirokchi Instagram ijtimoiy tarmog‘idagi @fusetea_uz rasmiy sahifasiga obuna bo‘lgan bo‘lishi kerak.

Obuna kamida Tashkilotchi tomonidan Aksiya natijalarini tekshirish yakunlanguniga qadar saqlanishi kerak.

4.1.2. Aksiya haqidagi post ostida izohda do‘stni belgilash.

Aksiyada ishtirok etish davrida Ishtirokchi Aksiya haqidagi post ostida bitta noyob faol Instagram akkauntini belgilagan kamida bitta to‘g‘ri izoh qoldirishi kerak.

4.2. Ishtirokchining Instagram profili birinchi tanlov izohi joylashtirilgan paytdan boshlab G‘oliblarni aniqlash va tekshirish yakunlanguniga qadar ochiq (ommaviy) bo‘lishi kerak.

4.3. G‘oliblarni aniqlashda faqat barcha majburiy shartlarni bir vaqtning o‘zida bajargan Ishtirokchilar ishtirok etishi mumkin:

  1. Instagram’dagi @fusetea_uz sahifasiga obuna bo‘lgan;
  2. do‘st belgilangan kamida bitta to‘g‘ri izoh qoldirgan;
  3. Instagram profilini tekshirish uchun ochiq holda saqlagan.

4.4. Shartlarning faqat bir qismini bajarish G‘oliblarni aniqlashda ishtirok etish huquqini bermaydi.

4.5. Bitta Ishtirokchi Aksiyada faqat bitta Instagram akkaunti bilan ishtirok etishi mumkin.

4.6. Ushbu Ishtirokchi tomonidan avval belgilanmagan bitta noyob faol Instagram akkauntini belgilagan har bir to‘g‘ri izoh Ishtirokchiga yutuq uchun bitta imkoniyat beradi. Ishtirokchi bunday izohlarni cheklanmagan miqdorda qoldirish huquqiga ega: turli akkauntlarni belgilagan holda qancha ko‘p to‘g‘ri izoh qoldirsa, uning yutish imkoniyati shuncha ko‘p bo‘ladi. Bitta izohda faqat bitta belgilash hisobga olinadi.

4.7. Bitta Ishtirokchi bittadan ortiq Sovrin olishi mumkin emas. Allaqachon aniqlangan potensial G‘olibning akkaunti qayta tanlangan taqdirda, bunday natija hisobga olinmaydi va tanlov qaytadan o‘tkaziladi.

4.8. Bitta jismoniy shaxsning qo‘shimcha imkoniyatlar olish maqsadida bir nechta Instagram akkauntlaridan foydalanishi taqiqlanadi.

4.9. Bunday buzilish aniqlangan taqdirda Tashkilotchi tegishli Ishtirokchiga bog‘liq barcha akkauntlarni Aksiyadan chiqarib tashlash huquqiga ega.

 

5. SOVRIN JAMG‘ARMASI

5.1. Aksiyaning sovrin jamg‘armasi «2Reels agency» MChJ tomonidan o‘z mablag‘lari hisobidan, Tashkilotchining Buyurtmachi buyurtmasiga ko‘ra Aksiyani o‘tkazish bo‘yicha majburiyatlarini bajarishi doirasida xarid qilinadi.

5.2. Aksiya doirasida quyidagi Sovrinlar o‘ynaladi:

Sovrin jamg‘armasi 5 (beshta) sovg‘a boksidan iborat («Sovrinlar»). Har bir G‘olib quyidagi tarkibdagi bitta sovg‘a boksini oladi:

Brendlangan Rubik kubigi

«Nomukammal g‘oyalar» bloknoti

Stikerpak

Memli stikerlar

Antitopshiriq kartochkalari

Ryukzak

UNO stol o‘yini

FUSE TEA Honey & Lemon, hajmi 0,5 l bo‘lgan 4 ta butilka (PET)

FUSE TEA Honey & Lemon, hajmi 1 l bo‘lgan 2 ta butilka (PET)

5.3. Sovrinlarning umumiy soni — 5 (beshta).

5.4. Barcha Sovrinlar Tashkilotchi tomonidan xarid qilinadi va G‘oliblarga topshiriladi.

5.5. Topshiriladigan Sovrinning haqiqiy tashqi ko‘rinishi, modeli, modifikatsiyasi, rangi, dizayni, o‘ramasi, butlovchi qismlari, texnik va boshqa xususiyatlari reklama materiallarida keltirilgan tasvirlar va tavsiflardan farq qilishi mumkin.

5.6. Sovrinning muayyan modeli yoki modifikatsiyasini taqdim etishning obyektiv imkoni bo‘lmagan taqdirda, Tashkilotchi tegishli Sovrinni o‘xshash vazifadagi, asosiy iste’mol xususiyatlari va/yoki qiymati bo‘yicha taqqoslanadigan boshqa Sovringa almashtirish huquqiga ega.

5.7. Agar bunday xususiyatlar ushbu Qoidalarda aniq kafolatlanmagan bo‘lsa, G‘olib reklama materiallarida tasvirlangan Sovrinning muayyan rangi, modifikatsiyasi, butlovchi qismlari yoki boshqa xususiyatlarini (shu jumladan uning tarkibini) taqdim etishni talab qilishga haqli emas.

5.8. Sovrinlar G‘olibning talabiga ko‘ra pul ekvivalentiga almashtirilmaydi.

5.9. G‘olib Sovrin qiymatini pul mablag‘lari bilan to‘lashni talab qilishga haqli emas.

 

6. G‘OLIBLARNI ANIQLASH TARTIBI

6.1. Potensial G‘oliblarni aniqlash 2026-yil 31-oktabr kuni soat 16:00 da Toshkent shahri vaqti bilan o‘tkaziladi.

6.2. Potensial G‘oliblarni aniqlashdan oldin Tashkilotchi ushbu Qoidalarning barcha shartlarini bajargan Ishtirokchilarning to‘g‘ri izohlari ro‘yxatini shakllantiradi. Har bir to‘g‘ri izoh yutuq uchun alohida bitta imkoniyat sifatida hisobga olinadi.

6.3. Potensial G‘oliblar elektron randomayzer (tasodifiy tanlov generatori) yordamida tasodifiy tartibda aniqlanadi.

6.4. Potensial G‘oliblarni tasodifiy aniqlash uchun ishlatiladigan texnik xizmat yoki dasturiy ta’minotni Tashkilotchi mustaqil ravishda belgilaydi.

6.5. Randomayzer yordamida ketma-ket 5 (beshta) potensial G‘olib aniqlanadi.

6.6. Shu bilan bir vaqtda Tashkilotchi asosiy potensial G‘olib diskvalifikatsiya qilingan, Sovrindan voz kechgan, u bilan bog‘lanishning iloji bo‘lmagan yoki u ushbu Qoidalar talablariga mos kelmagan taqdirlar uchun kamida 5 (beshta) zaxira potensial G‘olibni aniqlaydi.

6.7. Randomayzer tomonidan Instagram akkaunti tanlanganligi fakti Sovrinni olishning so‘zsiz kafolati hisoblanmaydi.

6.8. Tasodifiy tanlovdan so‘ng Tashkilotchi potensial G‘olib tomonidan Aksiyaning barcha shartlari bajarilganligini tekshiradi, jumladan:

  • Instagram’dagi @fusetea_uz sahifasiga obuna mavjudligi;
  • do‘st belgilangan kamida bitta to‘g‘ri izoh mavjudligi;
  • Instagram profilining ochiqligi;
  • muddatlarga rioya qilinganligi;
  • bir shaxsning bir nechta akkaunt orqali ishtirok etmaganligi;
  • botlardan va manipulyatsiyaning boshqa usullaridan foydalanilmaganligi;
  • ushbu Qoidalarning yosh va boshqa talablariga muvofiqligi.

6.9. Agar potensial G‘olib kamida bitta majburiy shartga mos kelmasa, bunday Ishtirokchining natijasi bekor qilinadi va Tashkilotchi keyingi zaxira potensial G‘olibni tekshirishga o‘tadi.

6.10. Tashkilotchi potensial G‘oliblarni aniqlash tartibi va natijalarini qayd etish uchun tasodifiy tanlov jarayonini video, foto va/yoki ekran yozuviga olishi shart, lekin bunday yozuvni e’lon qilishi shart emas.

 

7. NATIJALARNI E’LON QILISH VA G‘OLIBLAR BILAN ALOQA

7.1. Aksiya natijalari potensial G‘oliblarni tekshirish yakunlangandan so‘ng Instagram’dagi @fusetea_uz sahifasida e’lon qilinadi.

7.2. Tashkilotchi potensial G‘olib bilan Instagram’dagi shaxsiy xabar orqali va/yoki boshqa mavjud usul bilan bog‘lanadi.

7.3. Potensial G‘olib unga xabarnoma yuborilgan paytdan boshlab 5 (besh) kalendar kun ichida Tashkilotchiga javob berishi va zarur ma’lumotlar hamda hujjatlarni taqdim etishi shart.

7.4. Agar potensial G‘olib:

  • belgilangan muddatda Tashkilotchiga javob bermasa;
  • Sovrindan voz kechsa;
  • zarur ma’lumotlar yoki hujjatlarni taqdim etmasa;
  • noto‘g‘ri ma’lumot taqdim etsa;
  • ushbu Qoidalar talablariga mos kelmasa,

bunday Ishtirokchi Sovrinni olish huquqini yo‘qotadi.

7.5. Bunday holda tegishli Sovrinni olish huquqi tasodifiy tanlov ketma-ketligiga muvofiq zaxira potensial G‘olibga o‘tadi.

7.6. Tashkilotchi Instagram akkaunti Sovrinni olishga da’vo qilayotgan jismoniy shaxsga tegishli ekanligini tekshirish huquqiga ega.

 

8. SOVRINLARNI OLISH TARTIBI

8.1. Sovrinlarni topshirish «2Reels agency» MChJ tomonidan amalga oshiriladi.

 

8.2. Sovrinni olish uchun G‘olib Tashkilotchiga G‘olibni identifikatsiya qilish, Sovrinni topshirishni rasmiylashtirish va Tashkilotchi tomonidan O‘zbekiston Respublikasi qonunchiligi talablarining bajarilishi uchun zarur bo‘lgan ma’lumotlar va hujjatlarni taqdim etishi shart.

Bunday ma’lumotlar va hujjatlar quyidagilarni o‘z ichiga olishi mumkin:

  • shaxsni tasdiqlovchi hujjat;
  • JShShIR;
  • familiyasi, ismi, otasining ismi (mavjud bo‘lsa);
  • aloqa telefon raqami;
  • Instagram akkaunti ma’lumotlari;
  • Sovrinni yetkazib berish manzili (Sovrin yetkazib berilgan taqdirda).

8.3. Sovrinni topshirishda G‘olib Sovrinni qabul qilish-topshirish dalolatnomasini va/yoki Sovrinni olganligini tasdiqlovchi boshqa hujjatni imzolaydi.

8.4. Sovrin Toshkent shahrida shaxsan yoki O‘zbekiston Respublikasi hududi bo‘ylab Tashkilotchi hisobidan yetkazib berish orqali topshiriladi. Sovrinni topshirishning aniq sanasi, vaqti, joyi va usuli G‘olib bilan qo‘shimcha ravishda kelishiladi.

8.5. Sovrinni olish huquqi Tashkilotchining yozma roziligisiz uchinchi shaxsga o‘tkazilishi mumkin emas.

8.6. G‘olib Sovrindan ixtiyoriy ravishda voz kechgan taqdirda pul yoki boshqa kompensatsiya berilmaydi.

8.7. Agar G‘olib Sovrinni topshirish uchun zarur ma’lumotlar yoki hujjatlarni taqdim etmasa, Tashkilotchi tegishli holatlar bartaraf etilgunga qadar Sovrinni topshirishni to‘xtatib turish huquqiga ega.

 

9. SOVRINLARNI SOLIQQA TORTISH

9.1. Sovrinlar G‘oliblarga «2Reels agency» MChJ tomonidan xarid qilinib, topshirilgani sababli, Tashkilotchi Sovrinlarni jismoniy shaxslarga topshirish munosabati bilan yuzaga keladigan, O‘zbekiston Respublikasi soliq qonunchiligida nazarda tutilgan majburiyatlarni bajaradi.

9.2. O‘zbekiston Respublikasi qonunchiligiga muvofiq Tashkilotchida G‘olib daromadi bo‘yicha soliq agenti majburiyatlari yuzaga keladigan hollarda, «2Reels agency» MChJ soliq agentining tegishli majburiyatlarini qonunchilikda belgilangan tartibda bajaradi.

9.3. Sovrinlarni topshirish munosabati bilan ularni hisoblash, ushlab qolish va/yoki to‘lash majburiyati O‘zbekiston Respublikasi qonunchiligi bilan Tashkilotchiga yuklangan jismoniy shaxslardan olinadigan daromad solig‘i va boshqa majburiy to‘lovlar «2Reels agency» MChJ tomonidan hisoblanadi va to‘lanadi.

9.4. Sovrinlarni topshirish munosabati bilan to‘lash majburiyati qonunchilikka muvofiq Tashkilotchiga yuklanadigan tegishli soliqlar va majburiy to‘lovlarni to‘lash xarajatlarini «2Reels agency» MChJ ko‘taradi.

9.5. G‘olib qonunchilikka va ushbu Qoidalarga muvofiq Tashkilotchi hisoblashi va to‘lashi shart bo‘lgan soliqlarni to‘lash uchun Tashkilotchiga pul mablag‘larini o‘tkazishga majbur emas.

9.6. G‘olib Tashkilotchiga JShShIR va boshqa zarur ma’lumotlar hamda hujjatlarni Tashkilotchi tomonidan tegishli soliq va hisobot majburiyatlarining lozim darajada bajarilishi uchun taqdim etishi shart.

9.7. G‘olibning Sovrinni topshirishni qonuniy rasmiylashtirish va soliq majburiyatlarini bajarish uchun zarur ma’lumotlarni taqdim etishdan bosh tortishi Sovrinni topshirishni to‘xtatib turish uchun asos hisoblanadi.

 

10. SHAXSIY MA’LUMOTLAR

10.1. Ishtirokchilar va G‘oliblarning shaxsiy ma’lumotlarini yig‘ish va qayta ishlash O‘zbekiston Respublikasining shaxsiy ma’lumotlar va ularni himoya qilish to‘g‘risidagi qonunchiligiga muvofiq amalga oshiriladi. Tashkilotchi shaxsiy ma’lumotlar bazasining operatori hisoblanadi.

10.2. Aksiyada ishtirok etib, Ishtirokchi Aksiyani o‘tkazish uchun zarur hajmda o‘zining Instagram akkaunti ma’lumotlari va tanlov izohlarini yig‘ish va qayta ishlashga rozilik bildiradi. Ishtirokchi potensial G‘olib deb aniqlangan taqdirda, u Tashkilotchiga Sovrinni tekshirish, rasmiylashtirish va topshirish, shuningdek O‘zbekiston Respublikasi qonunchiligi talablarini bajarish uchun zarur bo‘lgan qo‘shimcha shaxsiy ma’lumotlarni taqdim etadi.

10.3. Shaxsiy ma’lumotlar Buyurtmachi va Tashkilotchi tomonidan quyidagi maqsadlarda qayta ishlanishi mumkin:

  • Aksiyani tashkil etish va o‘tkazish;
  • Ishtirokchilar ro‘yxatini shakllantirish;
  • ishtirok etish shartlarining bajarilishini tekshirish;
  • G‘oliblarni aniqlash va tekshirish;
  • G‘oliblar bilan aloqa qilish;
  • Sovrinlarni rasmiylashtirish va topshirish;
  • Aksiya natijalarini Instagram’dagi @fusetea_uz sahifasida e’lon qilish;
  • soliq va buxgalteriya majburiyatlarini bajarish;
  • O‘zbekiston Respublikasi qonunchiligi talablarini bajarish.

10.4. Zarur hajmda quyidagilar qayta ishlanishi mumkin:

  • familiyasi, ismi, otasining ismi (mavjud bo‘lsa);
  • Instagram’dagi foydalanuvchi nomi (username);
  • telefon raqami;
  • JShShIR;
  • shaxsni tasdiqlovchi hujjat ma’lumotlari;
  • olingan Sovrin to‘g‘risidagi ma’lumotlar;
  • Sovrinni yetkazib berish manzili;
  • boshqa zarur ma’lumotlar.

10.5. Shaxsiy ma’lumotlarni yig‘ish va qayta ishlash faqat Aksiyani o‘tkazishning aniq, oldindan belgilangan va qonuniy maqsadlari uchun zarur hajmda amalga oshirilishi kerak.

10.6. Shaxsiy ma’lumotlar Aksiyani o‘tkazish va qonunchilik talablarini bajarish bilan bog‘liq bo‘lmagan maqsadlarda, qo‘shimcha huquqiy asos yoki (agar bunday rozilik talab etilsa) shaxsiy ma’lumotlar sub’ektining roziligisiz foydalanilmaydi.

10.7. Shaxsiy ma’lumotlarni saqlash va qayta ishlash muddati qayta ishlash maqsadlaridan hamda O‘zbekiston Respublikasi qonunchiligida belgilangan hujjatlarni saqlashning majburiy muddatlaridan kelib chiqib belgilanadi.

10.8. Ishtirokchi o‘zining shaxsiy ma’lumotlarini Buyurtmachi va Tashkilotchi o‘rtasida uzatilishiga, shuningdek Buyurtmachining shaxsiy ma’lumotlarni qayta ishlashni 10.3-bandda ko‘rsatilgan maqsadlarda Tashkilotchiga topshirishiga rozilik beradi. G‘oliblarning shaxsiy ma’lumotlari yetkazib berish xizmatiga faqat Sovrinni yetkazib berish uchun zarur hajmda, shuningdek O‘zbekiston Respublikasi qonunchiligida nazarda tutilgan hollarda davlat organlariga uzatilishi mumkin.

10.9. Buyurtmachi va Tashkilotchi zarur bo‘lganda Ishtirokchilar va G‘oliblarning shaxsiy ma’lumotlarini transchegaraviy uzatishni amalga oshirishi mumkin. Instagram platformasida Instagram akkauntlari va izohlari ma’lumotlarini qayta ishlash Ishtirokchi tomonidan mustaqil ravishda qabul qilingan Instagram’dan foydalanish shartlariga muvofiq Meta Platforms tomonidan amalga oshiriladi.

10.10. Ishtirokchi o‘zi G‘olib deb topilgan taqdirda o‘zining Instagram akkauntining foydalanuvchi nomini (username) Aksiya natijalari tarkibida Instagram’dagi @fusetea_uz sahifasida tarqatishga (e’lon qilishga) rozilik beradi.

 

11. DISKVALIFIKATSIYA ASOSLARI

11.1. Tashkilotchi Ishtirokchini quyidagi hollarda Aksiyadan chiqarish huquqiga ega:

  • har qanday majburiy ishtirok shartining bajarilmaganligi;
  • tekshirishga to‘sqinlik qiluvchi yopiq Instagram profilining mavjudligi;
  • bitta jismoniy shaxsning bir nechta Instagram akkauntlari orqali ishtirok etishi;
  • botlar, soxta akkauntlar yoki avtomatlashtirilgan vositalardan foydalanilganligi;
  • natijalarni manipulyatsiya qilishga urinilganligi;
  • noto‘g‘ri ma’lumot taqdim etilganligi;
  • O‘zbekiston Respublikasi qonunchiligining buzilganligi;
  • uchinchi shaxslar huquqlarining buzilganligi;
  • shartlarning bajarilishini tekshirish yoki Sovrinni topshirishni qonuniy rasmiylashtirish uchun zarur ma’lumotlarni taqdim etishdan bosh tortilganligi.

11.2. Agar buzilish potensial G‘olib dastlab aniqlanganidan keyin aniqlansa, Tashkilotchi tegishli natijani bekor qilish va zaxira potensial G‘olibga o‘tish huquqiga ega.

 

12. JAVOBGARLIK

12.1. Tashkilotchi o‘zining oqilona nazoratidan tashqarida bo‘lgan holatlar uchun, shu jumladan quyidagilar uchun javobgar bo‘lmaydi:

  • Instagram ishidagi texnik nosozliklar;
  • Instagramning vaqtincha mavjud emasligi;
  • Instagram ma’muriyati tomonidan Ishtirokchi akkauntining bloklanishi yoki cheklanishi;
  • yopiq profilga kirishning imkoni yo‘qligi;
  • internet-ulanish bilan bog‘liq muammolar;
  • Tashkilotchiga bog‘liq bo‘lmagan sabablarga ko‘ra potensial G‘olib bilan bog‘lanishning imkoni yo‘qligi;
  • G‘olib tomonidan zarur ma’lumotlar va hujjatlarning taqdim etilmaganligi yoki o‘z vaqtida taqdim etilmaganligi.

12.2. Tashkilotchi G‘olib tomonidan Sovrindan foydalanish qoidalari, ishlab chiqaruvchining yo‘riqnomasi yoki tegishli mahsulotning vazifasi buzilgan holda keyinchalik foydalanilishi uchun javobgar bo‘lmaydi.

12.3. Sovrinlarga kafolatli xizmat ko‘rsatish masalalari tegishli mahsulot ishlab chiqaruvchisi va/yoki sotuvchisining qo‘llaniladigan shartlari hamda O‘zbekiston Respublikasi qonunchiligi bilan tartibga solinadi.

 

13. INSTAGRAM VA META

13.1. Ushbu Aksiya Instagram va/yoki Meta Platforms tomonidan homiylik qilinmaydi, qo‘llab-quvvatlanmaydi va boshqarilmaydi hamda ular bilan bog‘liq emas, Instagram ijtimoiy tarmog‘idan tanlov postlarini joylashtirish uchun platforma sifatida foydalanish bundan mustasno.

13.2. Instagram va Meta Platforms ushbu Aksiyaning Tashkilotchisi, Buyurtmachisi yoki hamkori hisoblanmaydi hamda uni o‘tkazish, G‘oliblarni aniqlash va Sovrinlarni topshirish uchun javobgar bo‘lmaydi.

13.3. Aksiyani o‘tkazish bilan bevosita bog‘liq barcha savollar va da’volar Instagram yoki Meta Platforms’ga emas, Tashkilotchiga yuborilishi kerak.

13.4. Ishtirokchi Instagramdan foydalanish qoidalariga rioya qilish uchun mustaqil ravishda javobgar bo‘ladi.

 

14. AKSIYA SHARTLARINI O‘ZGARTIRISH

14.1. Tashkilotchi Buyurtmachi bilan kelishgan holda O‘zbekiston Respublikasi qonunchiligida yo‘l qo‘yiladigan doirada va tartibda ushbu Qoidalarga bir tomonlama tartibda o‘zgartirish va qo‘shimchalar kiritish huquqiga ega.

14.2. Aksiya shartlaridagi muhim o‘zgarishlar haqidagi ma’lumot Ishtirokchilarga ushbu Qoidalar e’lon qilingan usulga o‘xshash usulda yetkaziladi.

14.3. Agar o‘zgarishlarni e’lon qilishda boshqa muddat aniq ko‘rsatilmagan bo‘lsa, o‘zgarishlar ular e’lon qilingan paytdan boshlab kuchga kiradi.

14.4. O‘zgarishlar Ishtirokchini Sovrinni olishning allaqachon tasdiqlangan huquqidan asossiz ravishda mahrum qilmasligi kerak.

 

15. FORS-MAJOR

15.1. Buyurtmachi va Tashkilotchi, agar majburiyatlarning to‘liq yoki qisman bajarilmasligi ularning oqilona nazoratidan tashqarida bo‘lgan engib bo‘lmas kuch holatlari bilan bog‘liq bo‘lsa, javobgarlikdan ozod qilinadi.

15.2. Bunday holatlarga favqulodda vaziyatlar, tabiiy ofatlar, yong‘inlar, harbiy harakatlar, ommaviy tartibsizliklar, davlat organlarining qarorlari, platformalar ishining to‘xtatilishi yoki cheklanishi, qonunchilikdagi sezilarli o‘zgarishlar va boshqa engib bo‘lmas kuch holatlari kirishi mumkin.

 

16. NIZOLARNI HAL ETISH

16.1. Aksiyani o‘tkazish munosabati bilan yuzaga keladigan barcha nizolar va kelishmovchiliklar imkon qadar muzokaralar yo‘li bilan hal etiladi.

16.2. Nizoni muzokaralar yo‘li bilan hal etishning imkoni bo‘lmasa, nizo O‘zbekiston Respublikasi qonunchiligida belgilangan tartibda hal etiladi.

16.3. Ushbu Qoidalarda aniq nazarda tutilmagan barcha masalalarda Buyurtmachi, Tashkilotchi va Ishtirokchilar O‘zbekiston Respublikasi qonunchiligiga amal qiladilar.

 

17. YAKUNIY QOIDALAR

17.1. Ushbu Qoidalar «FUSE TEA Lemon and Honey» reklama aksiyasini o‘tkazishning rasmiy qoidalari hisoblanadi.

17.2. Tashkilotchi ushbu Qoidalar shartlariga rioya qilinishini potensial G‘oliblar tasodifiy aniqlanishidan oldin ham, keyin ham tekshirish huquqiga ega.

17.3. Ishtirokchining randomayzer tomonidan tanlanganligi faqat Tashkilotchi tekshiruvi yakunlanguniga qadar unga potensial G‘olib maqomi berilishini bildiradi.

17.4. G‘olib maqomi ushbu Qoidalarning barcha shartlari bajarilganligini tekshirishdan muvaffaqiyatli o‘tgandan keyingina tasdiqlangan hisoblanadi.

17.5. Sovrin topshirilguniga qadar buzilish aniqlangan taqdirda Tashkilotchi natijani bekor qilish va zaxira potensial G‘olibga o‘tish huquqiga ega.

17.6. Ishtirokchining Aksiya talablariga muvofiqligi to‘g‘risidagi qaror Tashkilotchi tomonidan ushbu Qoidalar va obyektiv mavjud tasdiqlovchi ma’lumotlar asosida qabul qilinadi.

17.7. Aksiyada ishtirok etish shuni anglatadiki, Ishtirokchi:

  • ushbu Qoidalar bilan tanishib chiqqan;
  • Aksiyani o‘tkazish mexanizmini tushunadi;
  • ushbu Qoidalar shartlarini qabul qiladi;
  • taqdim etilayotgan ma’lumotlarning to‘g‘riligini tasdiqlaydi;
  • Aksiyada ixtiyoriy ravishda ishtirok etadi;
  • ushbu Qoidalarning 10-bo‘limi shartlari asosida o‘zining shaxsiy ma’lumotlarini qayta ishlashga rozilik beradi.

 

 

AKSIYANING QISQACHA SHARTLARI

Ishtirok etish uchun zarur:

1. Instagram’dagi @fusetea_uz sahifasiga obuna bo‘lish.

2. Bitta noyob faol Instagram akkauntini belgilagan kamida bitta to‘g‘ri izoh qoldirish. Har bir bunday izoh yutuq uchun bitta imkoniyat beradi; turli belgilashlar bilan to‘g‘ri izohlar qancha ko‘p bo‘lsa, imkoniyat shuncha ko‘p.

3. Natijalarni tekshirish yakunlanguniga qadar Instagram profilini ochiq saqlash.

ISHTIROK ETISH DAVRI VA QUR’A TASHLASH

Izohlar 2026-yil 19-oktabr, soat 00:00 dan 2026-yil 28-oktabr, soat 23:59 gacha (shu jumladan) qabul qilinadi. Qur’a tashlash 2026-yil 31-oktabr kuni soat 16:00 da Toshkent shahri vaqti bilan o‘tkaziladi.

Potensial G‘oliblar Aksiyaning barcha shartlarini bajargan Ishtirokchilar orasidan elektron randomayzer yordamida tasodifiy tartibda aniqlanadi.

Tasodifiy aniqlangandan so‘ng Tashkilotchi potensial G‘olib tomonidan ushbu Qoidalarning barcha shartlari bajarilganligini tekshiradi.

SOVRINLAR

Sovrin jamg‘armasi 5 (beshta) sovg‘a boksidan iborat. Har bir G‘olib quyidagi tarkibdagi bitta sovg‘a boksini oladi:

Brendlangan Rubik kubigi

«Nomukammal g‘oyalar» bloknoti

Stikerpak

Memli stikerlar

Antitopshiriq kartochkalari

Ryukzak

UNO stol o‘yini

FUSE TEA Honey & Lemon, hajmi 0,5 l bo‘lgan 4 ta butilka (PET)

FUSE TEA Honey & Lemon, hajmi 1 l bo‘lgan 2 ta butilka (PET)

Ishtirokchining Instagram profili ishtirok etish shartlarini tekshirish uchun ochiq bo‘lishi kerak.

 

Reklama materiallaridagi Sovrinlar tasvirlari faqat ko‘rgazmali xususiyatga ega. Sovrinlarning haqiqiy modeli, modifikatsiyasi, rangi, butlovchi qismlari, tashqi ko‘rinishi, o‘ramasi, texnik va boshqa xususiyatlari tasvirlardan farq qilishi mumkin.

ISHTIROKCHI AKSIYADA ISHTIROK ETIB, USHBU QOIDALAR BILAN TANISHGANINI, ULARNING MAZMUNINI TUSHUNISHINI VA AKSIYADA ISHTIROK ETISH SHARTLARINI QABUL QILISHINI TASDIQLAYDI.