کوکا کولا کا پاکستان کی شاندار ثقافتی وراثت کو خراجِ تحسین

کوکا کولا پاکستان ملک کے یومِ آزادی کا جشن مناتے ہوئے اپنے مشہور ’شیئر اے کوک‘مہم کو پاکستان کے دلکش ثقافتی نمونوں کے ساتھ پیش کر رہا ہے۔”شیئر اے کوک ود پاکستان“مہم میں خوبصورت ڈیزائن شدہ فلوٹس اور ریڑھیاں شامل ہیں جو شائقین کو یومِ آزادی کے خصوصی بوتلیں پیش کر رہی ہیں، جبکہ ملک بھر میں روایتی آئیکونز سے سجے ہوئے پُرکشش بل بورڈز بھی آویزاں ہیں۔

سنائے سانلئ، جنرل منیجر کوکا کولا ایچیچک (CCI)، جو کوکا کولا پاکستان کے ترک بوتلنگ پارٹنر ہیں، نے کہا:”دہائیوں سے، کوکا کولا بیوریجز پاکستان اس قوم کے بنیادی ڈھانچے کا حصہ ہے، جو اس کی ثقافت، عوام اور معیشت سے گہرا تعلق رکھتا ہے۔’شیئر اے کوک ود پاکستان‘مہم اس دیرپا تعلق کا جشن ہے جو کاروبار سے بڑھ کر ہے۔ کوکا کولا سسٹم کی ویلیو چین میں ہزاروں پاکستانی اہم کردار ادا کر رہے ہیں۔ یہ شراکت داری پاکستان اور ترکی کے درمیان گہری دوستی کی عکاس ہے۔ کوکا کولا ایچ جے چیک کے جامع بوتلنگ، ڈسٹری بیوشن اور ریٹیل نیٹ ورک کے ذریعے ہم صرف تازگی فراہم نہیں کرتے بلکہ پاکستانی گھروں کا پیارا حصہ اور پاک-ترک دوستی کی زندہ علامت کے طور پر اپنا سفر جاری رکھے ہوئے ہیں۔“

کوکا کولا پاکستان کے جنرل منیجر سمیع واحد نے مہم کے حوالے سے اپنے جذبات کا اظہار کرتے ہوئے کہا: ”آزادی کے چھ سال بعد، 1953 میں، کوکا کولا پاکستان کا حصہ بنا اور تب سے یومِ آزادی سمیت تمام بڑے مواقع پر موجود رہا۔ کوک اسٹوڈیو، جس نے پاکستان کی موسیقی کو عالمی مرکز میں پہنچایا، سے لے کر کھیلوں کے بڑے ایونٹس جیسے فیفا اور آئی سی سی چیمپئنز ٹرافی، جنہیں ہر پاکستانی نوجوان جوش و خروش سے دیکھتا ہے، ہم اس سرزمین کی خوبصورتی، تاریخ اور بے پناہ صلاحیت کے ساتھ جڑے رہنے کے 72 سال کا جشن منا رہے ہیں۔“

”شیئر اے کوک ود پاکستان“اس ورثے کو آگے بڑھاتے ہوئے سندھ کے بلاک پرنٹڈ اجرک پیٹرنز، مختلف علاقوں کی رنگین کڑھائی، پاکستان کی سڑکوں کی پہچان شاندار ٹرک آرٹ، مغلیہ دور کی نفیس پھولدار و جیومیٹرک ڈیزائنز، اور ملتان و حیدرآباد کے نیلی مٹی کے برتنوں کو مہم کا حصہ بنایا گیا ہے۔ یہ اس خوبصورت سفر کی عکاسی ہے جو کوکا کولا اور پاکستان ایک ساتھ طے کر رہے ہیں۔