གསང་བའི་སྲིད་བྱུས། orསྒེར་གསང་གི་སྲིད་བྱུས།

ཀོ་ཀ་ཀོ་ལའི་(Coca‑Cola)ཚོང་སྡེ་དང་ བཀྲ་ཤིས་འཐུང་རིགས་ཚད་འཛིན་མཉམ་རུབ་ཐོག་ལས་ ཚོང་མགྲོན་པ་ཚུ་གི་ སྒེར་གསང་གི་བརྡ་དོན་ལུ་ བརྩི་བཀུར་འབདཝ་ཨིན། སྒེར་གསང་གི་སྲིད་བྱུས་ཀྱི་སྐོར་ལས་ ཁ་གསལ་སྦེ་ ཡོངས་འབྲེལ་འཆར་སྒོ་ https://www.coca-cola.com/bt/dz ནང་ལུ་ མི་ངོམ་རེ་རེ་བཞིན་གྱི་ བརྡ་དོན་ཉེན་སྲུང་གི་དོན་ལུ་ བཀོད་དེ་ཡོདཔ་ཨིན། ང་བཅས་ཀྱིས་ འཆར་སྒོ་འདི་ ཚོང་མགྲོན་པ་ཚུ་ཉེན་སྲུང་དང་ལྡན་པའི་ཁར་ སྤྲོ་བ་ཆེ་ཏོག་ཏོ་བཟོ་ནི་ལུ་ དམིགས་པ་བསྐྱེདཔ་ཨིན། སྒེར་གསང་སྲིད་བྱུས་ཀྱི་ འགྲེལ་བཤད་གཙོ་ཅན་ཚུ་ཡང:

འབྲུག་ལས་འགོ་འདྲེན་འཐབ་ཡོད་པའི་ བརྡ་དོན་བསྡུ་ལེན་འབད་ཡོད་མི་ཚུ;

ང་བཅས་རའི་ཡོངས་འབྲེལ་འཆར་སྒོ་ནང་ལུ་ ཀུ་ཀིསི་(cookies) དང་ གཞན་འཕྲུལ་རིགས་ཀྱི་ལག་ལེན་ཚུ་དང་། ;

ང་བཅས་ཀྱིས་ བསྡུ་ལེན་འབད་ཡོད་པའི་བརྡ་དོན་ཚུ་ ཉེན་སྲུང་དང་ལྡནམ་སྦེ་བཞག་ནི་ཚུ་ཨིན།

སྲིད་བྱུས་འདི་གིས་ ང་བཅས་ཀྱིས་བསྡུ་ལེན་འབད་ཡོད་པའི་བརྡ་དོན་ཚུ་ དབང་ཚད་བཟུང་མི་ཆོག དེ་མ་ཚད་ ཕམ་ག་འབད་རུ་ ཡན་ལག་ ཡང་ན་ སྦྱིན་བདག་དང་ འབྲེལ་ཡོད་ཚོང་སྡེ་དེ་ཚུ་གིས་ཡང་ མི་ཆོགཔ་ཨིན།

ང་བཅས་ཀྱི་འཆར་སྒོ་འདི་ ལག་ལེན་མ་འཐབ་པའི་ཧེ་མར་ སྲིད་བྱུས་འདི་ ལེགས་ཤོམ་སྦེ་ ལྷག་གནང་། འཆར་སྒོ་འདི་ལག་ལེན་འཐབ་པའི་བསྒང་ལས་ ཁྱོད་ཀྱིས་ སྲིད་བྱུས་འདི་གི་ འབད་ཆོགཔ་དང་མ་ཆོགཔ་ཚུ་ ལྷག་སྟེ་ ངོས་ལེན་འབདཝ་ཨིན་ཟེར་བའི་བརྡ་སྟོནམ་ཨིན། ག་དེམ་ཅིག་སྦེ་ སྲིད་བྱུས་འདི་གིས་ འབད་ཆོགཔ་དང་མ་ཆོགཔ་ཚུ་ལུ་ ངོས་ལེན་མེད་པ་ཅིན་ འཆར་སྒོ་འདི་ ལག་ལེན་མ་འཐབ།

༡. འཆར་སྒོ་འདི་ལས་ བརྡ་དོན་ཀྲི་སི་སི་སི་(TCCC) བསྡུ་ལེན་འབདཝ་ཨིན།

འཆར་སྒོ་འདི་ནང་ལས་ ཀྲི་སི་སི་སི་(TCCC)གིས་ བརྡ་དོན་གི་དབྱེ་བ་གཉིས་བསྡུ་ལེན་འབདཝ་ཨིན: དང་པ་ བརྡ་དོན་འདི་ལས་ མི་ངོམ་རང་ ངོ་ཕྱེ་ཚུགས་པའི་ རང་ཉིད་ཀྱི་བརྡ་དོན་དང་ གཉིས་པ་ བརྡ་དོན་འདི་ལས་ མི་ངོམ་རང་ངོ་ཕྱེ་མ་ཚུགས་པའི་ སྤྱིར་བསྡོམས་ཀྱི་བརྡ་དོན་ཟེར་གཉིས་ཡོད།

ཨེ(a). སྤྱིར་བསྡོམས་ཀྱི་བརྡ་དོན། ཁྱོད་ཀྱིས་ འཆར་སྒོ་འདི་ལག་ལེན་འཐབ་པའི་སྐབས་ལུ་ ཀྲི་སི་སི་སི་(TCCC)དང་ རྩ་ཕན་གཞན་གྱིས་ འབྱུང་ཁུངས་གསུམ་ལས་ མིང་མེད་པའི་བརྡ་དོན་ཚུ་ཡང་ བསྡུ་ལེན་འབད་འོང་། : གློག་གནས་ཐོ་བཀོད་ཡིག་སྣོད། ཀུ་ཀིསི་(cookies)དང་ པར་ཚག་ངོ་རྟགས།

༡. གློག་གནས་ཐོ་བཀོད་ཡིག་སྣོད། ཁྱོད་ཀྱི་ གློག་རིག་ཡོངས་འབྲེལ་ལམ་ལུགས་ཁ་བྱང་ཟེར་མི་འདི་ ངོ་ཕྱེད་ནིའི་ཨང་གྲངས་གཅིག་ཨིན། འདི་ཡང་ རང་བཞིན་གྱིས་ ཁྱོད་རའི་གློག་རིག་ནང་ལུ་ གློག་རིག་ཡོངས་འབྲེལ་ཞབས་ཏོག་བྱིན་མི་གིས་ བཙུགས་བཞག་སྟེ་འོངམ་ཨིན། འ་ནྭི་ཨང་གྲངས་འདི་གིས་ ག་ཅི་འབདཝ་སྨོ་ཟེར་བ་ཅིན་ ཁྱོད་ཀྱི་ཁ་བྱང་འདི་ ནམ་ཁ་ཕྱེ་ཡི་ག་ ག་ཅི་ར་བལྟ་ཡི་ག་ལ་སོགས་པ་ཚུ་ ངོ་ཕྱེ་ཞིནམ་ལས་ དྲན་ཐོ་བཞགཔ་ཨིན། ང་བཅས་ཀྱིས འདི་ནང་འོང་མི་ག་ར་གིས་ གློག་རིག་ཡོངས་འབྲེལ་ཁ་བྱང་ལག་ལེན་འཐབ་ལས་ ཁོང་ཚུ་གིས་ ཁ་བྱང་འདི་ ཚར་ག་དེམ་ཅིག་ལག་ལེན་འཐབ་ཅི་ག་དང་ འདི་དང་འབྲེལ་བའི་དཀའ་ངལ་རེ་འཐོནམ་ད་ སེལ་ནི་ལུ་ རྒྱབ་སྐྱོར་འབདཝ་ཨིན། དེ་མ་ཚད་ ང་བཅས་ཀྱི་ཁ་བྱང་འདི་ ལག་ལེན་འཐབ་མི་ཚུ་དང་ འབྲེལ་བ་འཐབ་ནི་དང་ ཡང་ན་ རིམ་ལུགས་འདི་གི་ཆོགཔ་དང་མ་ཆོགཔ་ཚུ་ལུ་མ་གནས་མི་ཚུ་ ཕྱིར་བཏོན་གཏང་ནིའི་དོན་ལུ་ཡང་ ལག་ལེན་འཐབ་ཨིན། དེ་འབདཝ་ལས་ གློག་རིག་ཡོངས་འབྲེལ་ལམ་ལུགས་ཀྱི་ཁ་བྱང་བསྡུ་ལེན་འབད་ནི་འདི་ ལེགས་ཤོམ་ཅིག་ཨིན་པའི་ཁར་ ཡོངས་འབྲེལ་འཆར་སྒོ་ལེ་ཤ་གིས་ར་ ལག་ལེན་འཐབ་བཏུབ་ཨིན།

༢. ཀུ་ཀིསི།(Cookies) ཀུ་ཀིིསི་(cookies)ཟེར་མི་འདི་ ཡོངས་འབྲེལ་འཆར་སྒོ་འདི་གིས་ དྲན་ཐོ་བཞག་ནིའི་དོན་ལུ་ གློག་རིག་ཚུ་ལུ་གཏང་བའི་གནས་སྡུད་ཅིག་ཨིན། ཀུ་ཀིསི་(Cookies)འདི་ ཡོངས་འབྲེལ་འཆར་སྒོ་འདི་གིས་ར་ ལག་ལེན་འཐབ་མི་ཅིག་དང་ འཆར་སྒོ་ལག་ལེན་འཐབ་མི་ཚུ་ལུ་ ཆ་རོགས་འབདཝ་ཨིན། ཀུ་ཀིསི་(Cookies)འདི་གིས་ ཁྱོད་ཀྱི་གློག་རིག་དང་ ཡིག་སྣོད་ཚུ་ལུ་ གནོད་པ་མི་སྐྱེད། ཀུ་ཀིསི་(cookies)ཁྱོད་ལུ་བསྐྱེལ་མིའི་འཆར་སྒོ་འདི་ལུ་རྐྱངམ་ཅིག་ ལྷག་ནི་དང་ ལེགས་བཅོས་འབད་ནི་ དེ་ལས་ བཏོན་གཏང་ནིའི་རང་དབང་ཡོདཔ་ཨིན། ག་དེམ་ཅི་སྦེ་ ཀུ་ཀིསི་(cookies)ལག་ལེན་འཐབ་སྟེ་བསྡུ་ལེན་འབད་ཡོད་པའི་བརྡ་དོན་ཚུ་ མ་དགོ་པ་ཅིན་ བཏོན་གཏང་ནི་དང་ ངོས་ལེན་འབད་ནི་ ཡང་ན་ གནས་སྤོ་གཏང་ནི་ལ་སོགས་པའི་སྟབས་བདེ་ཏོག་ཏོའི་བྱ་སྒོའི་ལམ་ལུགས་ཚུ་ཡང་ཡོདཔ་ཨིན། དེ་འབདཝ་ད་ ཀུ་ཀིསི་(cookies)བཏོན་གཏང་ཞིནམ་ལས་ ཡོངས་འབྲེལ་འཆར་སྒོ་ལ་ལུ་ཅིག་ ལག་ལེན་འཐབ་ནི་ནང་ལུ་ དཀའ་ངལ་བྱིན་འོང་ཟེར་ ཁྱོད་ཀྱིས་ཤེས་དགོ

༣. པར་ཚག་ངོ་རྟགས། འཆར་སྒོ་འདི་གིས་ འཆར་སྒོའི་ལག་ལེན་དང་ ངོས་ལེན་གྱི་ཚད་གཞི་ཚུ་གི་ སྤྱིར་བསྡོམས་གནས་སྡུད་བསྡུ་ནིའི་དོན་ལས་ པར་ཚག་ངོ་རྟགས་དང་ ཡོངས་འབྲེལ་འཆར་སྒོའི་བརྡ་སྟོན་མི་ལ་སོགས་པ་ཚུ་ལག་ལེན་འཐབ་ཨིན། པར་ཚག་ངོ་རྟགས་འདི་གིས་ ཁྱད་དུ་འཕགས་པའི་ཞབས་ཏོག་བྱིན་ནི་དང་ འཆར་སྒོ་ནང་ལུ་ མི་ངོམ་ག་དེམ་ཅིག་གིས་གྲལ་གཏོགས་འབད་ནུག་གའི་གྱངས་ཁ་བཏོན་ནི་ནང་ལུ་ ཆ་རོགས་འབདཝ་ཨིན། ཨེཅ་ཀྲི་ཨེམ་ཨེལ་(HTML)སྒྲིག་བཀོད་གློག་འཕྲིན་ནང་ལུ་ ལག་ལེན་འཐབ་པའི་སྐབས་ པར་ཚག་ངོ་རྟགས་འདི་གིས་ གློག་འཕྲིན་བསྐྱལ་མི་དང་ ནམ་ཁ་ཕྱེ་ཕྱེཝ་ཨིན་ན་ཚུ་ སླབ་ཚུགསཔ་ཨིན། ཨེཅ་ཀྲི་ཨེམ་ཨེལ་(HTML)སྒྲིག་བཀོད་གློག་འཕྲིན་ནང་ལུ་ ལག་ལེན་འཐབ་པའི་སྐབས་ པར་ཚག་ངོ་རྟགས་འདི་གིས་ གློག་འཕྲིན་བསྐྱལ་མི་དང་ ནམ་ཁ་ཕྱེ་ཕྱེཝ་ཨིན་ན་ཚུ་ སླབ་ཚུགསཔ་ཨིན།

བི(b). རང་ཉིད་བརྡ་དོན། ང་བཅས་ཀྱི་ འཆར་སྒོ་ལག་ལེན་འཐབ་ནིའི་དོན་ལུ་ ཁྱོད་ཀྱིས་ཐོ་བཀོད་འབད་ནི་ ཡང་ན་ ཁྱོད་རའི་བརྡ་དོན་ཚུ་བྱིན་མི་དགོ བརྡ་དོན་དེ་ཚུ་ འཐུས་མིའི་ལས་རིམ་ནང་ལུ་འབད་བ་ཅིན་ བྱིན་ནི་མ་གཏོགས་ གཞན་མི་དགོ ང་བཅས་ཀྱིས་ ཁྱོད་ར་གིས་ཁས་བླངས་ཀྱི་ཐོག་ལས་བྱིན་ན་མ་གཏོགས་ གཞན་ ཁྱོད་ཀྱི་རང་ཉིད་བརྡ་དོན་ཚུ་ ལེན་ནི་མེད། དེ་ཡང་ དཔེ་འབདན་ ང་བཅས་དང་འཆར་སྒའི་ཐོག་ལས་འབྲེལ་བ་འཐབ་པའི་སྐབས་ བརྟག་ཞིབ་ཀྱི་ལན་རེ་སླབ་ད་དང་ འགྲན་བསྡུར་ནང་ལུ་བཅའ་མར་གཏོགསཔ་ད་ ཡོངས་འབྲེལ་ཁ་བྱང་གི་དོན་ལུ་ ཐོ་བཀོད་འབད་བའི་སྐབས་དང་ ཀྲི་སི་སི་སི་(TCCC)གི་ཚོང་ཆས་ཚུ་ཉོ་བའི་སྐབས། རང་ཉིད་བརྡ་དོན་ཟེར་མི་འདི་ནང་ལུ་ ཁྱོད་རའི་འབྲེལ་བ་འཐབ་སའི་ཁ་བྱང་ དཔེ་འབདན་ ཁྱོད་རའི་མིང་ འགྲེམས་ཐོག་ཁ་བྱང་ བརྒྱུད་འཕྲིན་ཨང་ ཡང་ན་ ཡོངས་འབྲེལ་ཁ་བྱང་སོགས། དེ་མ་ཚད་ ང་བཅས་ཀྱི་ཐོན་ཁུངས་དང་ ཞབས་ཏོག་ཚུ་སྤྱོད་ནིའི་དོན་ལུ་ ཁྱོད་ཀྱི་དངུལ་ཕོག་གི་བརྡ་དོན་ཚུ་ཡང་ དེ་ནང་ཚུདཔ་ཨིན།

༢. ལག་ལེན་དང་ ཕྱིར་བཏོན་གྱི་ བརྡ་དོན་ཀྲི་སི་སི་སི་(TCCC)བསྡུ་ལེན། ཨེ(a). རང་ཉིད་བརྡ་དོན། ང་བཅས་ཀྱིས་ ཁྱོད་ཀྱི་ རང་ཉིད་བརྡ་དོན་འདི་ གཤམ་བཀོད་ཐོ་ཚུ་ནང་ ལག་ལེན་འཐབ་འོང: ༡. བརྒྱུད་འབྲེལ། སྤྱོད་མི་ཚུ་གིས་ ང་བཅས་ལུ་ དྲི་བ་དང་ བསམ་ལན་བཀོད་ཐོག་ལས་ འབྲེལ་བ་འཐབ་གནང་ཟེར་ཞུ་ནི་ཨིན། ཁྱོད་ཀྱི་དྲི་བ་དང་ བསམ་ལན་ཚུ་ལུ་ངོས་ལེན་འབད་ནིའི་དོན་ལུ་ རང་ཉིད་བརྡ་དོན་འདི་ཚུ་ཡང་ ལག་ལེན་འཐབ་འོང་།

༢. ཚོང་ལས་ཀྱི་དོན་ལུ། ང་བཅས་ཀྱི་ ནང་འཁོད་ཚོང་ལས་ཀྱི་དོན་ལུ་ ཁྱོད་ཀྱི་རང་ཉིད་བརྡ་དོན་ཚུ་ཡང་ ལག་ལེན་འཐབ་འོང་། ཁྱོད་ཀྱིས་ འཆར་སྒོའི་ཐོག་ལས་བྱིན་མི་ ཁྱོད་རའི་ རང་ཉིད་བརྡ་དོན་དང་ ཀྲི་སི་སི་སི་(TCCC)(ཡོངས་ཐོག་དང་ ཡོངས་མེད་)གི་ཐོག་ལས་བྱིན་མིའི་རང་ཉིད་བརྡ་དོན་ འཇམ་ཏོང་ཏོ་འབད་ཐོབ་ཚུགས་མི་ ཡང་ན་ ཁྱོད་ཀྱི་སྐོར་ལས་ བརྡ་དོན་གཞན་ཡོད་དེ་འབད་རུ་ གཅིག་བསྡོམས་འབད་འོང་ག་ཡང་མི་ཤེས།

༣. ཚོང་ལས་སྤྲོད་ལེན། འཆར་སྒོའི་ཐོག་ལས་ ག་ཅི་ར་འབད་རུ་ སྤྲོད་ལེན་འབད་ནི་ དཔེ་འབདན་ ཀྲི་སི་སི་སི་(TCCC)གི་ཚོང་ཆས་ཚུ་ ཉོ་བའི་སྐབས་ལུ་ ང་བཅས་ཀྱིས་ ཁྱོད་ལས་ དངུལ་སྤྲོད་བརྡ་དོན་ཚུ་ལེན་འོང་། དེ་མ་ཚད་ ཁྱོད་རའི་བརྡ་དོན་གཞན་ཚུ་དང་ ཁྱོད་ར་གིས་ མཁོ་སྒྲུབ་འབད་ཡོད་པའི་ཚོང་ཆས་ཚུ་ ཁྱོད་ལུ་བསྐྱལ་ནིའི་དོན་ལས་ གྲུ་སྐྱེལ་འདྲེན་གྱི་ཁ་བྱང་ཚུ་ཡང་ལེན་འོང་། ང་བཅས་ཀྱིས་ ཁྱོད་ཀྱི་ཚོང་ཆས་ལེགས་ཤོམ་སྦེ་ སྐྱེལ་འདྲེན་འབད་ནིའི་དོན་ལུ་ ཁྱོད་ཀྱི་རང་ཉིད་བརྡ་དོན་ ཡང་ན་ དངུལ་སྤྲོད་བརྡ་དོན་ཚུ་ཡང་ལག་ལེན་འཐབ་འོང་། དེ་མ་ཚད་ ང་བཅས་ཀྱིས་ ཁྱོད་ཀྱི་ རང་ཉིད་བརྡ་དོན་དང་ དངུལ་སྤྲོད་བརྡ་དོན་ཚུ་ ཕན་ཚུན་གཞན་ལུ་ཡང་ ཚོང་ཆས་སྤྲོད་ལེན་འབད་ནིའི་དོན་ལུ་ བྱིན་འོང་།

༤. འགྲན་བསྡུར་དང་ ཡར་འཕེལ། ང་བཅས་ཀྱིས་ འཆར་སྒའི་ཐོག་ལས་ འགྲན་བསྡུར་དང་ ཡར་འཕེལ་གྱི་ལས་སྣ་ཚུ་ཡང་ འགོ་འདྲེན་འཐབ་འོང་། དེ་གི་སྐབས་ལུ་ ཡོངས་ཐོག་ཐོ་བཀོད་འབད་ནིའི་དོན་ལུ་ ཁྱོད་ཀྱི་མིང་ ཡོངས་འབྲེལ་ཁ་བྱང་ སྤྱོད་མིའི་ངོ་རྟགས་ཨང་དང་ གསང་ཨང་ཚུ་དགོ འགྲན་བསྡུར་དང་ ཡར་འཕེལ་གྱི་ལས་སྣ་ཚུ་ནང་ འཛུལ་བཞུགས་འབད་བའི་སྐབས་ ང་བཅས་ཀྱིས་ ཐད་ཀར་དུ་ ཁྱོད་ཀྱི་རང་རྐྱང་བརྡ་དོན་ཚུ་ལེན་འོང་། ང་བཅས་ཀྱིས་ ཁྱོད་ཀྱི་བརྡ་དོན་ཚུ་ འགྲན་བསྡུར་དང་འཕེལ་གྱི་ལས་སྣ་ཚུ་ སྦྱིན་བདག་འཐོན་ཡོད་མི་ཕན་ཚུན་གཞན་ཚུ་ལུ་ཡང་ སྤྲོད་འོང་། ཡང་ཅིན་ འགྲན་བསྡུར་འདི་གི་ ལམ་ལུགས་དང་འཁྲིལ་ཏེ་ འབད་འོང་། ཁྱོད་ཀྱིས་ཡང་ འགྲན་བསྡུར་དང་ ཡར་འཕེལ་གྱི་ལས་རིམ་ག་ཅི་ནང་ར་ བཅའ་མར་གཏོགས་རུ་ ལེགས་ཤོམ་སྦེ་ བསྐྱར་ཞིབ་འབད་དགོ ག་ཅི་སྦེ་ཟེར་བ་ཅིན་ འཕྲལ་འཕྲལ་ ཀྲི་སི་སི་སི་(TCCC)གིས་ ཁྱོད་ཀྱི་རང་རྐྱང་གི་བརྡ་དོན་དགོ་པའི་སྐོར་ལས་སླབ་འོང་། ག་དེམ་ཅིག་སྦེ་ ལས་སྣ་དེ་ཚུ་གི་ འབད་ཆོགཔ་དང་མ་ཆོགཔ་གི་ལམ་ལུགས་ནང་ལུ་ ཁྱོད་ཀྱི་ རང་ཉིད་བརྡ་དོན་དང་ སྲིད་བྱུས་དེ་གཉིས་མ་འཐུནམ་སྦེ་ཡར་སོ་པ་ཅིན་ སྲིད་བྱུས་ཀྱིས་ དབང་ཚད་བཟུངམ་ཨིན།

༥. དམིགས་གསལ་གྱི་ཡར་འཕེལ་དང་ ཐོན་ཁུངས་ཀྱི་བརྡ་དོན། དེ་གི་ཁ་བསྐོང་ཡང་ ཀྲི་སི་སི་སི་(TCCC)གིས་ ཁྱོད་ཀྱི་རང་རྐྱང་བརྡ་དོན་འདི་ཚུ་ ཁྱོད་རའི་གློག་འཕྲིན་དུས་འཐུན་དང་ ང་བཅས་ཀྱི་ ཐོན་ཁུངས་དང་འབྲེལ་བའི་ཁྱབ་བསྒྲགས་རེ་བྱིན་ནིའི་དོན་ལུ་ ལག་ལེན་འཐབ་འོང་། ཁྱོད་ཀྱིས་ གློག་འཕྲིན་འདི་གི་ དྲན་བརྡ་འོང་མ་བཏུབ་སྦེ་བཟོ་རུང་ མ་བཏུབ་མེད།

༦. གལ་ཆེ་བའི་བརྡ་སྤྲོད། ང་བཅས་ཀྱིས་ འཕྲལ་འཕྲལ་ར་ འཆར་སྒོ་འདི་དང་ དངུལ་སྤྲོད་ལེན་ དེ་ལས་ འབད་ཆོགཔ་དང་མ་ཆོགཔ་ལུ་འགྱུར་བཅོས་ ཡང་ན་ སྲིད་བྱུས་ལ་སོགས་པའི་ཁག་ཆེ་བའི་བརྡ་དོན་ཚུ་ ཁྱོད་ལུ་གཏང་ནིའི་དོན་ལུ་ ལག་ལེན་འཐབ་འོང་། འ་ནཱི་བརྡ་དོན་ཚུ་ ཁྱོད་ལུ་ ཁག་ཆེ་ཏོག་ཏོ་ཨིནམ་ལས་ གློག་འཕྲིན་འོང་མ་བཏུབ་སྦེ་ བཟོ་བཞག་ནི་མི་འོང་།

༧. ཕན་ཚུན་གཞན་གྱི་ཞབས་ཏོག་བྱིན་མི། ང་བཅས་ཀྱིས་ ཞབས་ཏོག་བྱིན་མི་ཕན་ཚུན་གཞན་ཚུ་དང་ཡང་ མཉམ་འབྲེལ་ཐོག་ ལཱ་འབདཝ་ཨིན། དེ་ཡང་ ཡོངས་འབྲེལ་འཆར་སྒོ་བཟུང་མི་ དངུལ་འཛིན་ཤོག་བྱང་གློག་རིམ་ གནས་སྡུད་དབྱེ་དཔྱད་ གནས་ཚུལ་གསར་ཤོག་ཞབས་ཏོག་ ཁྱབ་སྤེལ་ལས་སྣ་དང་ གཞན་ བདག་སྐྱོང་དང་འབྲེལ་བའི་ཞབས་ཏོག་ཚུ་ཨིན། དེ་འབདཝ་ལས་ ཞབས་ཏོག་དེ་ཚུ་ ཁྱོད་ཀྱིས་འཐོབ་ནིའི་དོན་ལུ་ ཁྱོད་ཀྱི་རང་རྐྱང་བརྡ་དོན་ཚུ་ ཁོང་དང་ཅིག་ཁར་ཡང་ བརྗེ་སོར་འབད་འོང་།

༨. སྣ་ཚོགས། ག་དེམ་ཅིག་སྦེ་ འབད་དགོཔ་ངེས་བདེན་འཐོན་པ་ཅིན་ ང་བཅས་ཀྱིས་ ཁྱོད་ཀྱི་རང་ཉིད་བརྡ་དོན་ཚུ་ཡང་ ཕྱིར་བཤད་འབད་འོང་: (༡) ཁྲིམས་ལས; (༢) ཁྲིམས་ཀྱི་རིམ་པ་ ཡང་ན་ གཞུང་གི་ལམ་ལུགས་དང་བསྟུན; (༣) གཡོག་གི་འགན་ཚིག་བསྟར་སྤྱོད་འབད་ནི; (༤) ང་བཅས་ཀྱི་ ལས་སྦྱོང་བསྲུང་ནི; (༥) ཀྲི་སི་སི་སི་(TCCC)དང་ ཁྱོད་ དེ་ལས་ གཞན་ཚུ་གི་རང་དབང་ གསང་བ་ ཉེན་སྲུང་ཚུ་ བསྲུང་ནི; དང་ (༦) སྐྱོན་བཞུགས་ཏེ་ཡོད་མི་ཚུ་ བཅོས་ཐབས་ཀྱི་དོན་ལུ་ ང་བཅས་ཀྱིས་ འབད་ཚུགས་ཚུགསཔ་ཅིག་ འབད་ནིའི་གནང་བ་བྱིན་ནི་ཚུ་ཨིན།

བི(b). སྤྱིར་བསྡོམས་ཀྱི་བརྡ་དོན། ང་བཅས་ཀྱིས་ སྤྱིར་བསྡོམས་བརྡ་དོན་འདི་ཡང་ ཡོངས་འབྲེལ་འཆར་སྒོ་ཉེན་སྲུང་བཞག་ནི་ འཆར་སྒོའི་གདོང་ཤོག་ཡོངས་གྲགས་འགྱོ་མི་ཚུ་ཕྱིར་འཚོལ་གྱི་དོན་ལུ་ གློག་འཕྲིན་གཏང་ཡོད་པའི་དྲན་བརྡ་ གནས་སྡུད་གཞན་ལག་ལེན་འཐབ་ཡོད་མེད་ཚུ་ བལྟ་ནིའི་དོན་ལུ་ཨིན། དེ་ལས་བརྟེན་ཏེ་ ཁྱོད་རའི་དགོས་མཁོ་དང་བསྟུན་པའི་ཞབས་ཏོག་བྱིན་ནི་ འཆར་སྒོ་དང་ཞབས་ཏོག་ཡར་དྲགས་བཟོ་ནི་ལུ་ ཁེ་ཕན་ཡོདཔ་ཨིན། ང་བཅས་ཀྱི་འབྲེལ་ཡོད་ཕན་ཚུན་གཞན་ཚུ་ལུ་ ཁྱོད་ཀྱི་ སྤྱིར་བསྡོམས་བརྡ་དོན་འདི་ བྱིན་འོང་།

༣. ང་བཅས་ཀྱི་ གསང་བའི་བྱ་རིམ་དང་འབྲེལ་བའི་ཁག་ཆེ་བའི་གནད་དོན་གཞན་ཚུ། ཨེ།(a). ཕམ་དང་ ཨ་ལོ་ཚུ་ལུ་ དམིགས་གསལ་གྱི་གནད་དོན། ང་བཅས་ཀྱི་ འཆར་སྒོ་འདི་དང་ འདི་གི་ནང་དོན་ཚུ་ ཨ་ལོ་སྐྱེ་ལོ་ ༡༨ མན་ཆད་ཀྱི་དོན་ལུ་མེན། ག་དེམ་ཅིག་སྦེ་ ཁྱོད་ར་ ཨ་ལོ་སྐྱེ་ལོ་ ༡༨ མ་ལང་མི་གཅིག་ཨིན་རུ་ ང་བཅས་ཀྱི་འཆར་སྒོ་འདི་ ལག་ལེན་འཐབ་ནི་ ཡང་ན་ ཞབས་ཏོག་ཚུ་ སྤྱོད་ནིའི་མནོ་བསམ་ཡོད་པ་ཅིན་ ཁྱོད་རའི་ཕམ་ལུ་སླབ་སྟེ་ ང་བཅས་དང་ཅིག་ཁར་ ཐོ་བཀོད་འབད། འཆར་སྒོ་འདི་གི་ཆ་ཤས་ཚུ་ ཨ་ལོ་སྐྱེ་ལོ་ ༡༨ མན་ཆད་འབད་མི་གཅིག་གིས་ སྤྱོད་དགོ་པ་ཅིན་ ཕམ་གི་བལྟ་རྟོག་གི་ཐོག་ལུ་ འབད་དགོ ཕམ་ལས་གནང་བ་མེད་པར་ ང་བཅས་ཀྱིས་ ཨ་ལོ་སྐྱེ་ལོ་༡༨ མན་ཆད་འབད་མི་ལུ་ ཁ་རྗེ་འགན་ཤོག་ལ་སོགས་པའི་སྐོར་ལས་ འབྲེལ་བ་འཐབ་ནི་མེད། ང་བཅས་ཀྱི་ ཨ་ལོ་སྐྱེ་ལོ་ ༡༨ མན་ཆད་འབད་མི་ལས་ ཤེས་ཅིག་མཐོང་ཅིག་ར་ ཁོང་གི་ རང་ཉིད་བརྡ་དོན་ཚུ་ལེན་ནི་མེད། ང་བཅས་ཀྱིས་ ཨ་ལོའི་ཡོངས་ཐོག་ སྒེར་གསང་ཉེན་སྲུང་བཅའ་ཁྲིམས་དང་བསྟུན་ཏེ་ར་ ལཱ་འབདཝ་ཨིན།

བི(b). སྲུང་སྐྱོབ། ག་དེམ་ཅི་སྦེ་ ང་བཅས་ཀྱི་བརྡ་དོན་ཚུ་ འབྱང་ནི་དང་ ལོག་སྤྱོད་འབད་ནི་ ཡང་ན་ འགྱུར་བཅོས་འབད་ནི་ལ་སོགས་པ་ཚུ་ མི་འབྱུང་ནིའི་དོན་ལུ་ ཉེན་སྲུང་གྱི་ཐབས་ཤེས་ཚུ་ཡང་ཡོད། དུས་ནམ་ར་འབད་རུ་ ཁྱོད་ཀྱིས་ དངུལ་འཛིན་ཤོག་འཛིན་ཨང་གྲངས་འདི་ ང་བཅས་ལུ་བྱིནམ་ཅིག་ ཁྱོད་རའི་འཆར་སྒོའི་ཐོག་ལས་ ཨང་གྲངས་འདི་ ང་བཅས་ལུ་ གནས་སྤོ་གཏངམ་ཨིན། གནས་སྡུད་སྤོ་ནི་ ཡང་ན་ བསྐྱར་གསོ་འབད་ནིའི་ལམ་ལུགས་ཚུ་ ཉེན་སྲུང་ཧྲིལ་བུ་མེད། དེ་འབདཝ་ལས་ ང་བཅས་ཀྱིས་ ཁྱོད་ཀྱི་རང་རྐྱང་བརྡ་དོན་ཚུ་ ཉེན་སྲུང་དང་ལྡནམ་སྦེ་བཞག་ནིའི་རྩ་འགེངས་རུང་ ཁྱོད་ཀྱིས་ བརྡ་དོན་དེ་ཚུ་ ང་བཅས་ལུ་ གནས་སྤོ་གཏང་མི་བསྒང་ལས་ ཉེན་སྲུང་དང་ལྡནམ་ཨིན་ཟེར་སླབ་ར་མི་ཤེས། ག་དེམ་ཅིག་སྦེ་ ཁྱོད་རའི་སེམས་ཁ་ལུ་ ང་བཅས་དང་ཅིག་ཁར་འབྲེལ་བ་འཐབ་ནི་འདི་ ཉེན་སྲུང་དང་ལྡནམ་ཅིག་མེན་པས་ཟེར་མནོ་བ་ཅིན་ དེ་འཕྲོ་ལས་ ང་བཅས་དང་ཅིག་ཁར་ འབྲེལ་བ་འཐབ་གནང་། ཡང་ཅིན་ དཀའ་ངལ་ག་ཅི་འབྱུང་མི་འདི་ ང་བཅས་ལུ་ བརྡ་སྐུལ་འབད།

སི།(C). ཕན་ཚུན་གཞན་གྱི་འཆར་སྒོ། འཆར་སྒོ་འདི་ནང་ ཕན་ཚུན་གཞན་གྱི་ཡོངས་འབྲེལ་འཆར་སྒོ་ཚུ་གི་ འབྲེལ་མཐུད་ཡང་ཡོདཔ་ཨིན། འབྲེལ་མཐུད་དེ་ཚུ་ ཀྲི་སི་སི་སི་(TCCC)གི་ཚད་འཛིན་འོག་ལུ་མེནམ་ལས་ ཁྱོད་རའི་བརྡ་དོན་དང་ དེ་གི་ནང་དོན་གྱི་ཉེན་སྲུང་འདི་ ང་བཅས་ཀྱིས་ ཁ་མི་འཐེད། ང་བཅས་ཀྱིས་ འབྲེལ་མཐུད་དེ་ཚུ་ ཁྱོད་ལུ་སྟབས་བདེ་ནིའི་དོན་ལས་རྐྱངམ་ཅིག་བྱིནམ་མ་གཏོགས་ འབྲེལ་མཐུད་དེ་ཚུ་ འཆར་སྒོ་འདི་ནང་བཙུགསཔ་བཞིན་དུ་ཨིན་ཅི་མིན་ཅི་སྤྱོད་དགོ་ཟེར་མེན། ག་དེམ་ཅིག་སྦེ་ ཁྱོད་རའི་དངུལ་སྤྲོད་ལེན་གྱི་བརྡ་དོན་དང་ གཞན་གསང་བའི་བརྡ་དོན་ཚུ་ ཕན་ཚུན་གཞན་ཚུ་ལུ་བྱིན་པ་ཅིན་ དངུལ་སྤྲོད་ལེན་གྱི་བྱ་རིམ་ཡང་ དེ་གིས་ར་འབདཝ་མ་ཚད་ ཕན་ཚུན་གཞན་གྱི་གསང་བའི་སྲིད་བྱུས་ཀྱིས་ ཚད་འཛིན་འབད་འོང་། དེ་འབདཝ་ལས་ ཁྱོད་ཀྱིས་ ཕན་ཚུན་གཞན་གྱི་གསང་བའི་སྲིད་བྱུས་དང་ བྱ་རིམ་ཚུ་གི་སྐོར་ལས་ཤེས་དགོཔ་འདི་ཡང་ ཁག་ཆེ།

དྲི།(d). ལཱ་འགན། ང་བཅས་ཀྱིས་ འཆར་སྒོ་ལག་ལེན་འཐབ་མི་ཚུ་གི་བརྡ་དོན་བསྡུ་ལེན་འབད་ཡོད་མི་ཚུ་ ཕན་ཚུན་གཞན་ལུ་བྱིན་ནིའི་རང་དབང་ ང་བཅས་ལུ་ཡོད།

༤. ཁྱོད་རའི་བརྡ་དོན་དུས་འཐུན་བཟོ་ནི་དང་ ང་བཅས་དང་འབྲེལ་བ་འཐབ་ནི། ཀྲི་སི་སི་སི་(TCCC)ལུ་ ཁྱོད་ཀྱི་ རང་ཉིད་བརྡ་དོན་འདི་ ཉེན་སྲུང་དང་ལྡནམ་སྦེ་བསྡུ་སྒྲིགས་འབད་ནི་དང་ དུས་འཐུན་བཟོ་ནིའི་བྱ་རིམ་ཚུ་ཡང་ དཀྲིགས་དཀྲིགས་སྦེ་ཡོད། ང་བཅས་ཀྱིས་ བརྡ་དོན་བསྡུ་སྒྲིགས་འབད་ཡོད་མི་ཚུ་ ཁྱོད་ར་གིས་ བསྐྱར་ཞིབ་འབད་དེ་ བཅོས་ཁ་རྐྱབ་དགོཔ་ཡོདན་ ང་བཅས་ལུ་ འབྲེལ་བ་འཐབ་དགོ དེ་མ་ཚད་ ང་བཅས་ཀྱིས་ ཁྱོད་ལུ་བསྐྱར་ཞིབ་འབད་ནི་ ལེགས་བཅོས་འབད་ནི་ དུས་འཐུན་བཟོ་ནི་དང་ འགྱུར་བཅོས་འབད་ནི་གི་ དལ་དབང་བྱིན་ཏེ་ཡོད:

༡. ང་བཅས་ལུ་གློག་འཕྲིན་གཏང: it@bhutancoke.com

༢. ང་བཅས་ལུ་ བརྒྱུད་འཕྲིན་གཏང: +༩༧༥༧༧༡༩༠༣༠༡

༣. གཤམ་བཀོད་ཡོད་པའི་འགྲེམས་ཐོ་ཁ་བྱང་ནང་ལུ་ གློག་འཕྲིན་གཏང:

ཨེ་ཀྲི་ཀྲི་ཨེན(Attn): བཀྲ་ཤིས་འཐུང་རིགས། པ་ས་ཁ། ཆུ་ཁ་རྫོང་ཁག དཔལ་འབྲུག (Tashi beverages, Pasakha, Chhukha Dzongkhag)

བརྡ་དོན་བསྐྱར་ཞིབ་འབད་ནི་ ཡང་ཅིན་ འགྱུར་བཅོས་འབད་ཡོད་མི་ཚུ་ གསལ་ཏོག་ཏོ་སྦེ་བཀོད་གནང་། ང་བཅས་ཀྱིས་ ག་དེ་མགྱོགས་མགྱོགས་ ཁྱོད་རའི་དོགས་པ་དང་བསྟུན་ འབད་འོང་།

ཁྱོད་ཀྱིས་ སེམས་ཁར་ངེས་དགོཔ་གཅིགཔ་འདི་ བརྡ་དོན་དེ་ཚུ་ ཁྱོད་ཀྱིས་བཏོན་གཏང་གཏངམ་ ཡང་ན་ འགྱུར་བཅོས་འབད་ཡོད་མི་ཚུ་ ང་བཅས་ཀྱི་འཆར་སྒོ་ནང་ལུ་ དེ་སྦེ་ར་སྡོད་འོང་།

༥. གདམ་ཁ།

ང་བཅས་ཀྱིས་ འཕྲལ་འཕྲལ་ར་ ཀྲི་སི་སི་སི་(TCCC)ནང་ལས་ གློག་འཕྲིན་དང་ བརྡ་དོན་གཞན་ཚུ་ ཁྱོད་ལུ་གཏང་བའི་སྐབས་ ངོས་ལེན་ཡོད་མེད་དྲིས་འོང་། ག་དེམ་ཅིག་སྦེ་ བརྡ་དོན་དེ་ཚུ་ལུ་ངོས་ལེན་ཡོད་པ་ཅིན་ ང་བཅས་ཀྱིས་ ཁྱོད་རའི་ཞུ་བ་དང་འབྲེལ་བ་ཡོད་པའི་ཡར་སེང་དང་འགན་ཤོག་ཚུ་ འཕྲལ་འཕྲལ་ར་ གཏང་འོང་།

ག་དེམ་ཅིག་སྦེ་ ང་བཅས་ཀྱི་གློག་འཕྲིན་འདི་ལུ་ ཁྱོད་ར་ ངོས་ལེན་འབད་དགོ་མ་མནོ་བ་ཅིན་ ང་བཅས་ལུ་ གློག་འཕྲིན་གཏང་གནང་། ཡང་ན་ བརྒྱུད་འཕྲིན་གཏང་ དེ་མེན་རུང་ འཆར་སྒོ་ནང་བཀོད་དེ་ཡོད་པའི་ཁ་བྱང་ནང་ལུ་ ཡི་གུ་བྲིས་ཏེ་བསྐྱལ། ཀྲི་སི་སི་སི་(TCCC)ནང་ལས་ཡང་ གློག་འཕྲིན་ཚུ་ལུ་ངོས་ལེན་འབད་དགོ་མ་མནོ་ཟེར་ཚུད་དགོ

དེ་གིས་ཡང་མ་དོ་བར་ ང་བཅས་ཀྱིས་ ཁྱོད་ཀྱི་རང་ཉིད་བརྡ་དོན་ཚུ་ ཕན་ཚུན་གཞན་ལུ་བཏོན་ནི་མེད། ཐ་ན་ ཀྲི་སི་སི་སི་(TCCC)གི་ཡན་ལག་ཚུ་ལུ་ཡང་ གནད་དོན་ག་ཅི་གི་དོན་ལུ་འབད་རུང་ར་ ཁྱོད་ཀྱིས་ ངོས་ལེན་མེད་པའི་བརྡ་སྐུལ་ལྷོད་པ་ཅིན་ ཁོང་ལུ་ཡང་ བྱིན་ནི་མེད། ག་དེམ་ཅིག་སྦེ་ དེ་བཟུམ་གི་བརྡ་སྐུལ་བྱིན་དགོ་མནོ་བ་ཅིན་ ང་བཅས་ལུ་ གློག་འཕྲིན་གཏང་ ཡང་ན་ བརྒྱུད་འཕྲིན་ཐོག་ལས་དང་ ཡིག་གུའི་ཐོག་ལས་ འབྲེལ་བ་འཐབ་གནང་། ཀྲི་སི་སི་སི་(TCCC)གི་ཡན་ལག་ ཡང་ཅིན་ ཕན་ཚུན་གཞན་ཚུ་ལུ་ཡང་ ཁྱོད་ཀྱིས་ རང་ཉིད་བརྡ་དོན་ཚུ་ ཕྱིར་བཏོན་མ་འབད་ཟེར་འཁོད་དེ་གཏང་གནང་།

༦. སྲིད་བྱུས་འདི་ལུ་ འགྱུར་བ།

ཨ་ནཱི་སྲིད་བྱུས་འདི་ འགྱུར་བཅོས་འབད་ནིའི་རང་དབང་དང་ ང་བཅས་ཀྱི་ བརྡ་དོན་དང་འབྲེལ་བའི་སྲིད་བྱུས་དང་ བྱ་རིམ་ཚུ་ འགྱུར་བཅོས་འབད་ནིའི་རང་དབང་ ང་བཅས་ལུ་ཡོདཔ་ཨིན། ཨ་ནཱི་སྲིད་བྱུས་འདི་ བསྐྱར་ཞིབ་མཇུག་ར་ ནམ་ འབད་འབདཝ་ཨིན་ན་ ཁྱོད་ཀྱིས་ གདོང་ཤོག་འདི་གི་ལྟག་ལུ་བལྟ་བ་ཅིན་ ཤེས་ཚུགས། ང་བཅས་ཀྱི་སྲིད་བྱུས་འདི་ལུ་ འགྱུར་བ་རེ་འབད་བ་ཅིན་ དེ་འཕྲོ་ལས་ འཆར་སྒོ་འདི་ནང་བཙུགས་དོ་ཡོདཔ་ལས་ ག་ར་གིས་ ཤེས་ཚུགས། འགྱུར་བཅོས་འབད་ཡོད་པའི་སྲིད་བྱུས་འདི་ཚུ་ ལག་ལེན་འཐབ་པ་ཅིན་ ཁྱོད་ཀྱིས་ སྲིད་བྱུས་འདི་ལུ་ ངོས་ལེན་ཡོད་པའི་རྟགས་ཨིན། དེ་འབདཝ་ལས་ ང་བཅས་ཀྱིས་ ཁྱོད་ལུ་ དུས་ཨ་རྟག་ར་ གདོང་ཤོག་འདི་ ངོ་རྟགས་བཀལ་བཞག་ཞིནམ་ལས་ དུས་འཐུན་འབད་གནང་ཟེར་སླབ་ནི་ཨིན།

སྲིད་བྱུས་འདི་གིས་ རང་ཉིད་བརྡ་དོན་བསྡུ་ལེན་དང་ ཀྲི་སི་སི་སི་(TCCC)གི་ ལས་སྦྱར་གྱིས་ གནས་སྡུད་དེ་ཚུ་ ལག་ལེན་འཐབ་པའི་སྐོར་ལས་ ངོ་བཏོནམ་ཨིན། ཕན་ཚུན་གཞན་གྱིས་ མཉེན་ཆས་ཀྱི་ཐོག་ལས་ སྲིད་བྱུས་འདི་གི་བཅུད་སྡུད་འབད་འབདཝ་ཚུ་ ཁྲིམས་འགལ་ཡང་མེན་པའི་ཁར་ སྲིད་བྱུས་འདི་གི་ཚབ་མ་ ཡང་ན་ བཟོ་བཟོ་བའི་སྲིད་བྱུས་འབད་ཡང་མི་བཏུབ་ཨིན།

༧. ཁས་ལེན་ལེགས་བཅོས། ཁྲིམས་ལུགས།

འཆར་སྒོ་འདི་ ལག་ལེན་འཐབ་པའི་བསྒང་ལས་ སྲིད་བྱུས་འདི་གི་འགན་ཚིག་ལུ་ ཁས་ལེན་འབདཝ་ཨིན། རང་ཉིད་བརྡ་དོན་ཚུ་ གོང་ལུ་བཀོད་ཡོད་པའི་གནད་དོན་ཚུ་གི་དོན་ལུ་ ལག་ལེན་འཐབ་ཆོག་པའི་གནང་བ་བྱིནམ་ཨིན། གལ་སྲིད་ སྲིད་བྱུས་འདི་ལུ་ འགྱུར་བཅོས་རེ་འབད་དགོ་པ་ཅིན་ དྲན་པ་དང་ཤེས་ཞིན་གྱི་སྒོ་ལས་ འགྱུར་བཅོས་འབད་དེ་ ཁྱོད་ཀྱིས་ཤེས་ཐབས་ལུ་ འཆར་སྒོ་འདི་ནང་ བཙུགས་བཞག་འོང་།

ཁྱོད་ཀྱི་ངོས་ལེན་དང་ གསང་བའི་སྐོར་ བསམ་ལན་རེ་ཡོད་ན་ སྲིད་བྱུས་འདི་དང་འཁྲིལ་དགོ ཨ་ནཱི་སྲིད་བྱུས་འདི་ འབྲུག་རྒྱལ་བརྒྱུད་རྒྱལ་ཁབ་ཀྱི་ཁྲིམས་ལུགས་དང་འཁྲིལ་ཏེ་ཨིན། དེ་མ་ཚད་ ཨ་ནཱི་སྲིད་བྱུས་འདི་ དབུ་འཕང་མཐོ་བའི་ཁྲིམས་ལུགས་གཅིག་ཨིནམ་ལས་ སྲིད་བྱུས་འདི་གི་རྩོད་རྙོག་རེ་འཐོན་ན་ འབྲུག་རྒྱལ་ཁབ་ལུ་དབང་ཚད་ཧྲིལ་བུམ་ཡོད།