Skip to content

Þjónustuskilmálar Coca‑Cola:

Gildistími: 6/7/2023

Velkomin(n) í þjónustuskilmála Coca‑Cola („Skilmálar“).

LESTU ÞESSA SKILMÁLA VANDLEGA. ÞEIR MYNDA LAGALEGAN SAMNING Á MILLI THE COCA-COLA COMPANY OG HLUTDEILDARFÉLAGA ÞESS (KALLAST SAMAN COCA-COLA EÐA VIÐ) OG ÞÍN.

ÞESSIR SKILMÁLAR RÁÐA ÞVÍ HVERNIG LEYST ER ÚR ÁGREININGI Á MILLI COCA-COLA OG ÞÍN.

1. INNGANGUR

Þessir skilmálar lýsa þeim skilmálum og skilyrðum sem gilda fyrir aðgang og notkun á vefsvæðum Coca‑Cola, snjallforritum (forritum), búnaði og annarri nettengdri og ónettengdri þjónustu sem Coca‑Cola rekur (kallast saman þjónusta). Veitandi þjónustunnar er The Coca‑Cola Company, One Coca‑Cola Plaza, Atlanta, Georgia 30313.

Þessir skilmálar gilda hvort sem þú ert skráður notandi eða gestur.

NOTKUN ÞÍN OG AÐGANGUR AÐ ÞJÓNUSTUNNI ERU HÁÐ FYLGNI ÞINNI VIÐ OG SAMÞYKKI ÞESSARA SKILMÁLA. Ekki nota þjónustuna ef þú samþykkir ekki þessa skilmála.

Lestu líka persónuverndarstefnu Coca‑Cola fyrir neytendur (eða aðra persónuverndarstefnu eða yfirlýsingu sem hefur verið send þér) til að fá upplýsingar um hvernig Coca‑Cola meðhöndlar persónuupplýsingar sem við söfnum frá notendum eða um þá.

2. HVENÆR GILDA ÞESSIR SKILMÁLAR?

Þessir skilmálar gilda fyrir nýja notendur frá gildistímanum sem er tilgreindur hér fyrir ofan. Fyrir hvern þann sem notar þjónustuna fyrir gildistímann hér að ofan, gilda fyrri útgáfur skilmála. Fyrri útgáfur gilda þar til 10 dagar eru liðnir frá gildistímanum hér að ofan.

ÞEGAR ÞÚ STOFNAR REIKNING, FÆRÐ AÐGANG AÐ OG NOTAR ÞJÓNUSTUNA EÐA ÞEGAR ÞÚ SAMÞYKKIR HANA, STAÐFESTIR ÞÚ VIÐ COCA-COLA AÐ ÞÚ SÉRT HÆF(UR) TIL AÐ NOTA ÞJÓNUSTUNA OG SAMÞYKKIR AÐ GANGAST UNDIR ÞESSA SKILMÁLA.

Til að nota þjónustu okkar verður þú að hafa náð að minnsta kosti lögaldri í búsetulandi þínu og mega löglega gangast undir bindandi samning við Coca‑Cola.

Ef þú hefur ekki enn náð lögaldri í búsetulandi þínu eða mátt ekki gangast undir bindandi samning verður foreldri eða forráðamaður þinn að samþykkja þessa skilmála áður en þú notar þjónustuna. Biddu foreldri eða forráðamann um að útskýra þessa skilmála fyrir þér áður en þú byrjar að nota þjónustuna.

FORELDRAR OG FORRÁÐAMENN: Ef þú samþykkir þessa skilmála fyrir hönd ólögráða einstaklings staðfestir þú við Coca‑Cola að þú ert foreldri eða forráðamaður barnsins, staðfestir að þú samþykkir þessa skilmála og samþykkir persónuverndarstefnu Coca‑Cola fyrir neytendur (eða aðra persónuverndarstefnu eða yfirlýsingu sem hefur verið send þér) fyrir hönd barnsins, að þú takir á þig alla ábyrgð á notkun barnsins á þjónustunni og að farið verði eftir þessum skilmálum.

Ef þú ert ekki hæf(ur) til að nota þjónustuna eða samþykkir ekki þessa skilmála hefurðu ekki heimild til að nota þjónustuna.

3. FYRIR HVAÐ GILDA ÞESSIR SKILMÁLAR?

Þessir skilmálar gilda fyrir þjónustuna þar sem tengt er með hlekk á þessa skilmála eða þeir birtir.

Aðrir skilmálar gilda um rafræna þjónustu fyrir starfsfólk, umsækjendur, þá sem eru í viðskiptum við Coca‑Cola, samstarfsaðila Coca‑Cola og fyrir hluta af fyrirtækjavef Coca‑Cola. Aðrir skilmálar gilda einnig um þjónustu þriðju aðila sem er tengd við eða sem tengist þjónustunni (t.d. WhatsApp). Sjá 12. hluta hér fyrir neðan.

Viðbótarskilmálar geta gilt um ákveðna hluta þjónustunnar eins og forrit, kynningar, söluskilmála eða notkun á skilaboðaþjónustu („viðbótarskilmálar“). Allir viðbótarskilmálar eru hluti af (og felldir inn með þessari tilvísun) þessum skilmálum. Þegar viðbótarskilmálarnir eru birtir þér verður þú að samþykkja þá áður en þú notar þjónustuna sem þeir gilda um. Þessi skilmálar og viðbótarskilmálar gilda jafnt nema einhver hluti viðbótarskilmálana sé í ósamræmi við þessa skilmála á óafturkræfan máta. Í því tilfelli gilda viðbótarskilmálarnir en eingöngu að því er varðar ósamræmið.

 

Textaskilaboðaþjónusta

Hluti þjónustunnar er að bjóða upp á textaskilaboð (SMS eða MMS). Þegar þú samþykkir að fá textaskilaboð frá okkur fer fjöldi textaskilaboðanna sem við sendum þér eftir viðskiptum þínum við okkur. Þú getur hætt í textaskilaboðaþjónustunni með því að senda orðið STOP í farsímanúmerið sem tengist þjónustunni. GJÖLD FYRIR SKILABOÐ OG GAGNAFLUTNING GETA VERIÐ RUKKUÐ. Símafyrirtækið þitt rukkar gjöldin og þau skulu berast því. Hafðu samband við símafyrirtækið þitt til að fá upplýsingar um gjaldskrá o.fl. Textaskilaboðaþjónusta er veitt eins og hún kemur fyrir og er hugsanlega ekki alltaf tiltæk alls staðar.

MEÐ ÞVÍ AÐ SAMÞYKKJA AÐ TAKA VIÐ TEXTASKILABOÐUM SKILUR ÞÚ OG SAMÞYKKIR AÐ COCA-COLA NOTAR SJÁLFVIRKT HRINGIKERFI TIL AÐ SENDA ÞÉR TEXTASKILABOÐ OG AÐ SAMÞYKKI ÞITT FYRIR MÓTTÖKU TEXTASKILABOÐA ER EKKI FORSENDA FYRIR KAUPUM Á VÖRUM OG ÞJÓNUSTU.

4. MUN COCA-COLA BREYTA ÞJÓNUSTUNNI?

Coca‑Cola vinnur stöðugt að því að bæta þjónustuna. Coca‑Cola getur bætt við nýjum eiginleikum og virkni sem bæta þjónustuna og sem voru ekki áður hluti af þjónustunni („nýir eiginleikar”). Coca‑Cola getur einnig af og til komið með uppfærslur, villuleiðréttingar og aðrar breytingar á þjónustunni sem bæta virkni notandaupplifunar („uppfærslur“). Coca‑Cola áskilur sér réttinn til að bæta við nýjum eiginleikum, eða ekki, eða réttinn til að gera uppfærslur, eða ekki. Ef nýir eiginleikar fela í sér gjöld mun Coca‑Cola leyfa þér að velja hvort þú notir nýju eiginleikana. Ef Coca‑Cola gerir uppfærslur samþykkir þú og leyfir Coca‑Cola að gera uppfærslur hvort sem þér er tilkynnt um þær eða ekki.

Coca‑Cola getur gert nýja eiginleika tiltæka eingöngu fyrir þig til að prófa áður en þeir eru gerðir aðgengilegir almenningi. Þegar nýir eiginleikar eru tiltækir fyrir þig til að prófa áður en aðrir fá aðgang að þeim köllum við nýju eiginleikana „prufuþjónustu“. Í skiptum fyrir rétt þinn til að fá aðgang að þessari prufuþjónustu samþykkir þú að gefa álit þitt á prufuþjónustunni eftir beiðni frá Coca‑Cola. Coca‑Cola áskilur sér réttinn til að breyta prufuþjónustu án fyrirvara þar til prufuþjónustan telst vera hluti af þjónustunni, og að ákveða að gera prufuþjónustuna ekki hluta af þjónustunni.

ÞRÁTT FYRIR AÐRA HLUTA Í ÞESSUM SKILMÁLUM UM ÁBYRGÐARSKYLDU OKKAR TIL ÞÍN ER PRUFUÞJÓNUSTA VEITT EINS OG HÚN KEMUR FYRIR ÁN NOKKURRAR ÁBYRGÐAR OG AÐILAR COCA-COLA (SAMKVÆMT SKILGREININGU Í 13. HLUTA) SKULU EKKI BERA NEINA SKAÐABÓTAÁBYRGÐ SEM VERÐUR TIL VEGNA ÁKVÖRÐUNAR ÞINNAR AÐ NOTA PRUFUÞJÓNUSTU. EF EKKI ER HÆGT AÐ ÚTILOKA ÁBYRGÐ HVAÐ VARÐAR PRUFUÞJÓNUSTU SAMKVÆMT GILDANDI LÖGUM, BERA AÐILAR COCA-COLA EINUNGIS ÁBYRGÐ HVAÐ VARÐAR PRUFUÞJÓNUSTU VEGNA BEINS TJÓNS SEM ÞÚ VERÐUR FYRIR UPP AÐ UPPHÆÐINNI SEM ÞÚ GREIDDIR FYRIR PRUFUÞJÓNUSTUNA.

Ekkert í þessum 4. hluta hindrar rétt Coca‑Cola til að takmarka aðgang að tilteknum hlutum þjónustunnar eða hætta með þjónustuna eða annað efni sem við veitum í gegnum þjónustuna á hvaða tíma sem er, án fyrirvara eða skaðabótaábyrgðar gagnvart þér. Við gerum okkar besta til að tryggja að þjónustan sé alltaf með fulla virkni en Coca‑Cola ber ekki skaðabótaábyrgð gagnvart þér ef þjónustan er ekki tiltæk af einhverri ástæðu.

5. MUN COCA-COLA BREYTA ÞESSUM SKILMÁLUM?

Gildistími þessara skilmála er tilgreindur efst á þessari vefsíðu.

Coca‑Cola gæti þurft að breyta þessum skilmálum til að endurspegla uppfærslur eða nýja eiginleika eða breytingar á gildandi lögum. Ef Coca‑Cola gerir efnislegar breytingar á þessum skilmálum sem draga úr lagalegum réttindum, munum við birta tilkynningar í þjónustunni og tilkynna notendum með tölvupósti, með því að nota netföngin sem notuð voru til að skrá reikninginn þeirra, með að minnsta kosti þrjátíu (30) daga fyrirvara. Ef þú samþykkir ekki skilmálana eftir breytingar verður þú að loka reikningnum þínum og hætta að nota þjónustuna fyrir lok tilkynningartímabilsins. Áframhaldandi notkun á þjónustunni eftir lok tilkynningartímabilsins sem er tekið fram í tilkynningunni telst jafngilda samþykki á breyttu skilmálunum.

Við munum ekki gera breytingar án fyrirvara sem minnka lagalegan rétt þinn efnislega og afturvirkt, nema okkur sé lagalega skylt að gera það, eða til að vernda réttindi annarra notenda þjónustunnar.

Breyttu skilmálarnir gilda ofar öllum fyrri útgáfum samninga okkar, tilkynninga eða yfirlýsinga um þessa skilmála.

6. ER NAUÐSYNLEGT AÐ VERA MEÐ REIKNING?

Þú þarft ekki að stofna reikning til að skoða opinber vefsvæði Coca‑Cola en þú gætir þurft reikning til að nýta þér þjónustuna til fulls, til dæmis til að fá aðgang að tilboðum og öðrum kynningum og til að nota þá hluta þjónustunnar sem eru eingöngu ætlaðir meðlimum.

​​​Til að stofna reikning gætir þú þurft að gefa upp netfang þitt að minnsta kosti. Coca‑Cola getur einnig krafist þess að þú gefir upp fæðingardag þinn og heimilisfang eftir því sem þarf til að staðfesta að þér sé lagalega heimilt að gangast undir bindandi samning við Coca‑Cola eða krafist þess að foreldri eða forráðamaður samþykki þessa skilmála fyrir þína hönd.

Coca‑Cola getur einnig beðið þig um að veita frekari upplýsingar, til dæmis nafn þitt, símanúmer, kjörstillingar, álit og aðrar upplýsingar um þig sem þú velur að deila sem hluta af stofnun reikningsins. Frekari upplýsingar um hvernig við vinnum úr persónuupplýsingunum sem við söfnum um þig þegar þú stofnar reikning má finna í persónuverndarstefnu Coca‑Cola fyrir neytendur (eða í annarri persónuverndarstefnu eða tilkynningu sem þú samþykktir þegar þú stofnaðir reikninginn).

Eins og tekið er fram í stefnu Coca‑Cola um ábyrga markaðssetningu markaðssetjum við ekki beint til barna yngri en 13 ára (eða þann lágmarksaldur sem á við í þínu landi). Þar af leiðandi beinist þjónustan ekki til og er ekki ætluð til notkunar af börnum yngri en 13 ára (eða þann lágmarksaldur sem á við í þínu landi).

Þú samþykkir að þú munir ekki stofna reikning fyrir neinn annan en þig, ekki stofna reikning í þeim tilgangi að villa á þér heimildir eða falsa einhver atriði í staðfestingarferli Coca‑Cola. Coca‑Cola áskilur sér réttinn til að neita skráningu eða segja upp eða loka reikningi hvenær sem er ef við finnum eða höfum grun um brot á þessum skilmálum. Þú mátt ekki stofna reikning ef áður hefur verið lokað á þig eða þér sagt upp frá notkun þjónustunnar.

Þú lofar að allar upplýsingar sem þú sendir til Coca‑Cola séu réttar, nákvæmar og fullkláraðar og þú samþykkir að halda þeim alltaf þannig.

Ef þú færð beiðni um að velja aðgangsorð þegar þú stofnar reikning er aðgangsorðið eingöngu ætlað þér. Þú samþykkir að gefa engum öðrum aðgangsorðið þitt, aðrar öryggisupplýsingar eða aðgang að þjónustunni. Sýndu sérstaka aðgát þegar þú opnar reikninginn þinn í opinberri eða sameiginlegri tölvu eða þegar þú deilir tækinu þínu með öðrum, svo að aðrir geti ekki séð eða skráð aðgangsorðið þitt eða aðrar persónuupplýsingar. Þú berð ábyrgð á öllum aðgerðum sem eiga sér stað með notkun á aðgangsorðinu þínu.

Þú samþykkir að tilkynna okkur tafarlaust til https://www.coca-colacompany.com/contact-us ef þú finnur eða hefur grun um óheimilan aðgang að eða notkun á aðgangsorðinu þínu, reikningnum eða annað öryggisbrot.

7. RUKKAR COCA-COLA FYRIR ÞJÓNUSTUNA?

Þjónustan er almennt gjaldfrjáls. Ef nauðsynlegt er að greiða fyrir ákveðna hluta þjónustunnar mun Coca‑Cola gefa þér val um hvort þú viljir nota gjaldskylda þjónustu. .

Ákveðnir hlutar þjónustunnar gera þér kleift að kaupa vörur Coca‑Cola. Kaup heyra undir aðra söluskilmála sem eru birtir þér þegar kaupin eru gerð –vinsamlega lestu þá vandlega. 

Þú berð fulla ábyrgð á öllum gjöldum, þóknunum og öðrum kostnaði sem tengist notkun á þjónustunni, þar á meðal búnaði og nettengingu eða símaþjónustu sem þarf til að fá aðgang að þjónustunni og nota hana. Ef þú notar þjónustuna í farsíma samþykkir þú að þú berir fulla ábyrgð á öllum gjöldum frá símafyrirtækinu.

8. HVER Á ÞJÓNUSTUNA?

Eins og á milli Coca‑Cola og þín, mun Coca‑Cola og þriðju aðila leyfishafar þess, vera einu eigendur að öllum réttindum, titli og hagsmunum í þjónustunni, þar á meðal öllu efni sem boðið er upp á í gegnum þjónustuna og hönnun hennar, úrvali og skipulagi ásamt öllum hugverkaréttindum (efni þjónustunnar). Það þýðir að Coca‑Cola á þjónustuna og á eða hefur leyfi fyrir efni þjónustunnar og að þú átt allt notandaefni þitt, eins og lýst er hér fyrir neðan.

Efni þjónustunnar felur í sér heitið Coca‑Cola og öll tengd heiti, lógó, vöru- og þjónustuheiti, hönnun og slagorð (merki Coca‑Cola). Þú mátt ekki nota merki Coca‑Cola nema að fengnu skriflegu leyfi frá Coca‑Cola. Öll önnur heiti, lógó, vöru- og þjónustuheiti, hönnun, slagorð, setningar eða höfundarlínur Coca‑Cola eða þriðju aðila sem birtast á eða í þjónustunni eru vörumerki eigenda þeirra.

Þú átt engan rétt, leyfi eða heimildir hvað varðar efni þjónustunnar fyrir utan það sem tekið er fram í þessum skilmálum. Þjónustan er vernduð af alþjóðlegum lögum um höfundarrétt, vörumerki, einkaleyfi, viðskiptaleyndarmál og öðrum viðkomandi lögum um hugverkaréttindi eða séreignarrétt. Til útskýringar, þá samþykkir þú að gera ekki eftirfarandi (og leyfir engum þriðja aðila að gera):
 

  • Fjarlægja tilkynningu um höfundarrétt, vörumerki eða annan séreignarrétt sem finnst í þjónustunni.
  • Búa til og/eða birta eigin gagnagrunn sem inniheldur hluta af þjónustunni nema að fengnu skriflegu leyfi frá Coca‑Cola.
  • Endurgera, dreifa, breyta, búa til afleidd verk, birta opinberlega, framkvæma opinberlega, endurbirta, hala niður, vista eða senda efni þjónustunnar, fyrir utan það sem er heimilað í þessum skilmálum.
  • Nota vélmenni, köngulær, leitarforrit eða annað sjálfkrafa ferli eða aðferð til að fá aðgang að, sækja, skrapa eða gera skrá um neinn hluta þjónustunnar.
  • Brjóta á annan hátt gegn séreignarrétti Coca‑Cola eða þriðju aðila leyfishöfum þess hvað varðar efni þjónustunnar.
     

Þú átt notandaefnið en gefur Coca‑Cola heimild til að nota það.

Þjónustan getur innihaldið spjallborð og aðra gagnvirka eiginleika þar sem þú og aðrir notendur geta póstað, sent inn, birt, sýnt eða flutt innihald eða efni (kallast saman notandaefni). Þú átt notandaefnið sem þú býrð til nema viðkomandi skilmálar fyrir innsendingu þína á notandaefni taki annað fram.

Þú skilur og samþykkir að þú berð ábyrgð á notandaefni þínu, þar á meðal lögmæti þess, áreiðanleika, nákvæmni og hæfi.

Sama hvort þú sendir inn notandaefni í gegnum þjónustuna eða á samfélagssíðum Coca‑Cola gefur þú Coca‑Cola (ásamt þjónustuveitendum okkar sem hjálpa okkur að reka þjónustuna og öllum eftirmönnum okkar og framsalshöfum), ótakmarkaðan, óaflátanlegan, almennan, rétt og leyfi án þóknunar og að fullu greidd (og rétt til að gefa undirleyfi á mörgum stigum) til að nota, hýsa, vista, endurframleiða, breyta, birta opinberlega, framkvæma, þýða, dreifa og sýna á annan hátt notandaefni þitt til þriðju aðila, í heild eða að hluta til, í hvaða tilgangi sem er og í öllum miðlum, bæði þekktum og þeim sem eru fundnir upp í framtíðinni, að því leyti sem lög heimila (efnisleyfi notanda). Enginn sæmdarréttur er fluttur með efnisleyfi notanda sem þú veitir til Coca‑Cola í þessum skilmálum. EKKI SENDA INN NOTANDAEFNI EF ÞÚ VILT EKKI VEITA COCA-COLA SÉRLEYFI Á NOTANDAEFNINU.

Þegar þú sendir inn notandaefni staðfestir þú við Coca‑Cola að:
 

  • Þú átt eða stjórnar öllum réttindum í kringum notandaefni þitt og átt rétt á að veita þau réttindi og leyfi sem eru veitt Coca‑Cola í þessum skilmálum hér fyrir ofan.
  • Notandaefni þitt brýtur ekki gegn réttindum annarra einstaklinga eða aðila, til dæmis réttinum til friðhelgi og birtingarréttindum og hugverkaréttindum.
  • Notandaefnið þitt er rétt og nákvæmt.
  • Allt notandaefni frá þér hlítir þessum skilmálum og öllum gildandi lögum, reglum og reglugerðum.

Notandaefnið frá þér verður að hlíta öllum eftirfarandi reglum:
 

  • Notandaefni má ekki innihalda neitt sem er niðrandi, dónalegt, óviðurkvæmilegt, móðgandi, svívirðandi, áreitið, ofbeldisfullt, hatursfullt, krassandi eða á annan hátt hneykslandi.
  • Notandaefnið má ekki sýna kynferðislega opinskátt eða klámfengið efni, ofbeldi eða mismunun út frá kynþætti, trú, þjóðerni, fötlun, kyni, kynhneigð, kynáttun eða aldri.
  • Notandaefni má ekki blekkja eða vera ætlað til að blekkja aðra.
  • Notandaefni má ekki sýna ólöglegt athæfi eða hvetja til, kynna eða aðstoða við ólöglegt athæfi.
  • Notandaefni má ekki vera undir fölskum heimildum eða fölsku sambandi við annan einstakling eða fyrirtæki eða láta í ljós að notandaefni þitt sé með stuðningi frá Coca‑Cola eða frá öðrum einstaklingi eða aðila ef það er ekki tilfellið.

Ef þú telur að notandaefni brjóti gegn þessum skilmálum skaltu láta okkur vita á https://www.coca-colacompany.com/contact-us, og taka fram lýsingu á notandaefninu og staðsetningu þess í þjónustunni eða á samfélagsmiðlum Coca‑Cola. Að því leyti sem lög heimila samþykkir þú að gera Coca‑Cola skaðlaust fyrir öllum kröfum sem þriðji aðili leggur fram gegn Coca‑Cola vegna eða í tengslum við notandaefni þitt.

Auk notandaefnisins er mögulegt að þú veitir Coca‑Cola af og til hugmyndir, tillögur eða aðrar ábendingar um þjónustuna (álit). Farðu á vefsíðu okkar á https://www.coca-colacompany.com/contact-us/submit-an-idea til að senda inn hugmynd og skoðaðu upplýsingarnar þar. Þú átt álit þitt en þegar þú sendir það til Coca‑Cola samþykkir þú og veitir Coca‑Cola hér með að fullu greiddan og án þóknana, óaflátanlegan, óafturkræfan, alþjóðlegan, almennan og með rétt til útgáfu undirleyfa og heimild til að nota, endurframleiða, framkvæma, birta, dreifa, aðlaga, breyta, endursníða og búa til afleidd verk af og nota á annan hátt álit þitt. Þú viðurkennir einnig og samþykkir að Coca‑Cola megi nota álit í þjónustunni svo lengi sem þú ert ekki persónugreind(ur) beint nema að fengnu skriflegu leyfi frá þér. Allt álit frá þér telst ekki vera trúnaðarmál og ekki með séreignarrétt.

9. HVERNIG MÁ NOTA ÞJÓNUSTUNA?

Með þeim fyrirvara um að þú hlítir þessum skilmálum veitir Coca‑Cola þér persónulegan, takmarkaðan, almennan, óflytjanlegan, afturkræfan og takmarkaðan rétt til að fá aðgang að þjónustunni og nota hana og hala niður einu (1) eintaki af hverju forriti, eingöngu fyrir þig og ekki til notkunar í viðskiptaskyni.

Þú verður að nota þjónustuna eingöngu í lögmætum og persónulegum tilgangi sem er ekki í viðskiptaskyni og ekki í neinum sviksamlegum tilgangi eða í tengslum við ólöglegt athæfi. Án takmarkana á því sem fer hér á undan, mátt þú ekki og samþykkir að hvetja ekki, eða leyfa, þriðja aðila að:

  • Fá (eða reyna að fá) óheimilan aðgang að þjónustunni eða tölvukerfum eða netkerfum Coca‑Cola með því að hakka, grafa upp aðgangsorð eða með öðrum leiðum brjóta gegn öryggi tölvu eða öryggiskerfis.
  • Nota þjónustuna á þann hátt sem þú veist eða ættir að vita að gæti skemmt, slökkt á, ofreynt eða skaðað þjóna eða netkerfi Coca‑Cola.
  • Mismuna, áreita, hóta, blekkja, niðra, skaða eða valda ónæði, óþægindum eða kvíða fyrir aðra eða að öðru leyti trufla (eða reyna að trufla) notkun og ánægju annars aðila af þjónustunni.
  • Nota þjónustuna fyrir hönd einhvers annars en þín.
  •  Afrita, breyta, aðlaga, þýða, bakhanna, afkóða eða reyna með öðrum hætti að öðlast eða fá aðgang að einhverjum hluta þjónustunnar.
  • Fjarlægja tilkynningu um höfundarrétt, vörumerki eða annan séreignarrétt sem finnst í þjónustunni eða með öðrum hætti brjóta í bága við eða gegn hugverkaréttindum þriðja aðila.
  • Nota vélmenni, könguló, leitarforrit eða annað sjálfkrafa ferli eða aðferð til að fá aðgang að, sækja, skrapa eða gera skrá um neinn hluta þjónustunnar.
  • Leigja, setja á kaupleigu, lána, selja, veita leyfi fyrir, úthluta, dreifa, birta, flytja eða með öðrum hætti gera þjónustuna, eða aðgerðir eða eiginleika innan hennar, aðgengilega til þriðja aðila, sama af hvaða ástæðu.
  • Endursníða eða endurgera einhvern hluta vefsíðnanna sem eru hluti af þjónustunni, meðal annars í þeim tilgangi að endurselja vörur eða dreifa þeim.
  • Nota þjónustuna til að selja óheimilar eða óumbeðnar auglýsingar eða kynningarefni.

Coca‑Cola áskilur sér réttinn til að fylgjast með og skrá virkni á þjónustunni eftir því sem gildandi lög leyfa og í samræmi við persónuverndarstefnu Coca‑Cola <link> (eða aðra persónuverndarstefnu eða tilkynningu sem hefur verið birt þér).

Coca‑Cola má ákveða eftir eigin geðþótta að loka á aðgang þinn að þjónustunni (auk annarra mögulegra úrræða) án fyrirvara ef Coca‑Cola hefur réttmæta ástæðu til að telja að notkun þín á þjónustunni brjóti gegn þessum skilmálum.

10. GILDA EINHVERJIR SKILMÁLAR SÉRSTAKLEGA UM NOTKUN FORRITANNA?

Fyrir utan það sem tekið er fram í 10. hluta gilda þessir skilmálar eingöngu um niðurhal þitt og notkun á forritum okkar.

Ólíkt vefsíðu er snjallforrit hugbúnaður sem er halað niður og er settur upp í farsímanum þínum. Þótt forritunum sé halað niður í farsímann þinn eru þau með sérleyfi, þau eru ekki seld til þín. Þú öðlast ekkert eignarhald í forritunum eða önnur réttindi fyrir utan notkun þína á forritunum í samræmi við og háð þessum skilmálum.

Þú mátt hlaða niður einu eintaki af forriti í farsíma sem þú átt eða stjórnar, eingöngu fyrir þína eigin persónulegu notkun sem er ekki í viðskiptaskyni. Sum forritin þurfa að fá aðgang að ýmsum aðgerðum og gögnum í farsímanum þínum til að þú getir nýtt þér tiltekna virkni. Nánari upplýsingar um hvernig forritin meðhöndla persónuupplýsingar má finna í persónuverndarstefnu Coca‑Cola (eða annarri persónuverndarstefnu sem er birt þér þegar þú hlóðst niður forriti).

Forritin og aðrir hlutar þjónustunnar eru mögulega ekki með nákvæmlega sama efni.

Við getum af og til hannað og boðið upp á uppfærslur (samkvæmt skilgreiningu í 4. hluta) fyrir forrit. Háð farsímastillingum þínum, þegar farsíminn þinn er tengdur við netið mun forritið hlaða niður og setja upp sjálfkrafa allar fáanlegar uppfærslur, eða þú færð tilkynningu eða beiðni um að hlaða niður og setja upp fáanlegar uppfærslur. Þú samþykkir að hlaða niður og setja upp allar uppfærslur og viðurkennir og samþykkir að mögulega getur forrit ekki virkað rétt ef þú gerir þetta ekki. Allar uppfærslur fyrir forrit teljast vera hluti af forritinu og þjónustunni og heyra undir þessa skilmála.

Coca‑Cola áskilur sér og heldur öllum rétti, titli og hagsmunum í forritunum, þar á meðal öll merki Coca‑Cola (samkvæmt skilgreiningu í 8. hluta) og, á milli Coca‑Cola og þín, öllum höfundarrétti, vörumerkjum og öðrum hugverkaréttindum í forritunum eða tengt þeim, fyrir utan það sem þér er veitt í þessum skilmálum.

Þegar þú sækir forrit frá App Store hjá Apple eða Google Play (kallast hvort fyrir sig forritavefsíða), viðurkennir þú og samþykkir eftirfarandi:

  • Hvað varðar Coca‑Cola og forritavefsíðuna ber Coca‑Cola eitt ábyrgð á forritunum.
  • Forritavefsíðunni ber engin skylda til að bjóða upp á viðhald og aðstoð í tengslum við forritið.
  • Ef forritið er ekki í samræmi við gildandi ábyrgð: (i) getur þú látið forritavefsíðuna vita og forritavefsíðan getur endurgreitt kaupverð forritsins (ef við á), (ii) eftir því sem gildandi lög heimila hvílir engin frekari ábyrgð á forritavefsíðunni hvað varðar forritin, og (iii) aðrar kröfur, tjón, skaðabótaábyrgð, skemmdir, kostnaður eða útgjöld sem má rekja til vanrækslu á samræmi við ábyrgð er á ábyrgð Coca‑Cola, hvað varðar sambandið á milli Coca‑Cola og forritavefsíðunnar.
  • Forritavefsíðan ber ekki ábyrgð á að bregðast við kröfum sem þú leggur fram í tengslum við forritin eða yfirráð og notkun á forritunum.
  • Ef þriðji aðili heldur því fram að forrit brjóti gegn hugverkaréttindum annars aðila, hvað varðar sambandið á milli forritavefsíðunnar og Coca‑Cola, ber Coca‑Cola ábyrgð á rannsókn, málsvörn, sáttum og frávísun allra slíkra ásakana um brot á hugverkaréttindum.
  • Forritavefsíðan og dótturfyrirtæki hennar eru utanaðkomandi hagsmunaaðilar gildandi notkunarskilmála þar sem þau tengjast leyfi þínu til að nota forrit. Þegar þú samþykkir notkunarskilmála okkar á forritavefsíðan rétt á (og telst hafa samþykkt þann rétt) að framfylgja notkunarskilmálunum hvað varðar leyfi þitt til að nota forrit gegn þér sem utanaðkomandi hagsmunaaðili.
  • Þú verður líka að fara eftir öllum gildandi skilmálum utanaðkomandi aðila í gegnum forritavefsíðuna þegar þú notar forrit.

Frekari upplýsingar um gögnin sem forritin safna má finna í stillingum farsímans eða í upplýsingum á forritavefsíðunni þar sem þú sóttir forritið. Fjarlægðu forritið ef þú vilt láta stöðva alla gagnasöfnun í gegnum það.

Þú staðfestir hér með og ábyrgist eftirfarandi: (i) þú ert ekki staðsett(ur) í landi sem þarf að sæta viðskiptabanni frá ríkisstjórn Bandaríkjanna, eða sem ríkisstjórn Bandaríkjanna hefur skilgreint sem land sem „styður hryðjuverkamenn“; og (ii) þú ert ekki á neinum lista hjá ríkisstjórn Bandaríkjanna yfir bannaða eða takmarkaða aðila.

11. HVENÆR TAKA ÞESSIR SKILMÁLAR GILDI? HVENÆR FALLA ÞEIR ÚR GILDI?

Þessir skilmálar taka gildi þegar þú samþykkir þá sem hluta af stofnun reiknings, niðurhali forrits eða notkun á þjónustu sem þessir skilmálar tengjast (fyrir utan undantekningar sem eru tilgreindar í 2. hluta). Þessir skilmálar eru í gildi þar til þú eða Coca‑Cola segir þeim upp.

Þú getur hætt að nota þjónustuna hvenær sem er og af hvaða ástæðu sem er. Ef þú vilt eyða reikningnum þínum skaltu hafa samband við Coca‑Cola með því að nota samskiptaupplýsingarnar í 15. hluta og/eða fjarlægja forritin.

Ef þú vilt láta leiðrétta eða eyða persónuupplýsingum sem tengjast reikningnum þínum skaltu skoða hlutann „Valkostir þínir“ í persónuverndarstefnu Coca‑Cola fyrir neytendur (eða annarri persónuverndarstefnu eða tilkynningu sem hefur verið birt þér).

Coca‑Cola er heimilt að segja upp reikningi þínum tafarlaust og sjálfkrafa án fyrirvara ef þú brýtur gegn gildandi lögum um notkun á þjónustunni. Coca‑Cola áskilur sér réttinn til að segja upp reikningi og loka á aðgang að þjónustu með eða án fyrirvara ef Coca‑Cola hefur réttmæta ástæðu til að telja að aðgangur eða notkun notanda á þjónustunni brjóti gegn þessum skilmálum.

Coca‑Cola getur lokað á aðgang þinn að þjónustunni, sagt upp reikningnum þínum eða þessum skilmálum hvenær sem er án fyrirvara ef við finnum eða höfum grun um öryggisbrot eða ef Coca‑Cola hættir að bjóða upp á eða styðja við þjónustu, sem Coca‑Cola er heimilt að gera eftir eigin geðþótta.

Við munum reyna að tilkynna þér fyrirfram áður en lokað er á aðgang þinn að þjónustunni til að þú getir endurheimt mikilvægar notandaupplýsingar (eftir því sem lög og þessir skilmálar heimila), en okkur er heimilt að gera það ekki ef við teljum að slíkt væri óhagkvæmt, ólöglegt, ekki í þágu öryggis annarra eða að öðru leyti skaðlegt fyrir réttindi eða eignir Coca‑Cola.

Þegar þessir skilmálar falla úr gildi gera réttindin sem Coca‑Cola veitir það líka og þú verður að hætta allri notkun á þjónustunni og eyða öllum eintökum af forritunum úr farsímanum þínum.

Öll ákvæði þessara skilmála sem ættu í eðli sínu að gilda áfram eftir að skilmálarnir falla úr gildi, skulu gilda áfram. Sem fordæmi munu öll eftirfarandi ákvæði gilda áfram: allar takmarkanir á skaðabótaábyrgð okkar, ákvæði sem varða eignarhald eða hugverkaréttindi, allar greiðsluskyldur þínar gagnvart okkur og ákvæði sem varða ágreining á milli þín og okkar. Niðurfelling takmarkar ekki og mun ekki takmarka réttindi Coca‑Cola eða þín og úrlausn fyrir lögum eða með sáttum.

12. HVER BER ÁBYRGÐ Á TENGDRI ÞJÓNUSTU?

Þjónustan inniheldur tengla á aðrar vefsíður og efni frá þriðju aðilum (meðal annars samstarfsaðilum okkar í markaðssetningu og á samfélagsmiðlum), skilaboðaþjónustu þriðju aðila (t.d. Whats App) og í auglýsingum (kallast sameiginlega tengd þjónusta). Coca‑Cola getur ekki stjórnað og mun ekki stjórna tengdri þjónustu, þrátt fyrir að sum tengd þjónusta leyfi þér að senda þeim upplýsingar þínar, t.d. eiginleikarnir „líka við“ eða „deila“ á samfélagsmiðlum. Lestu vandlega persónuverndarstefnur og aðra notkunarskilmála fyrir alla tengda þjónustu. Ef þú ákveður að fara í tengda þjónustu gerir þú það algjörlega á eigin ábyrgð og samkvæmt gildandi skilmálum fyrir tengdu þjónustuna, en ekki þessum skilmálum.

Þjónustan getur innifalið hugbúnað þriðja aðila sem er yfirleitt veittur án endurgjalds sem opinn hugbúnaður eða undir svipuðum leyfum (hugbúnaður þriðja aðila). Þótt þjónustan sem er veitt þér heyri undir þessa skilmála er hugbúnaður þriðja aðila sem er innifalinn í þjónustunni mögulega háður öðrum leyfum eða notkunarskilmálum, sem verða birt þér þegar við á.

13. HVERNIG ER SKAÐABÓTAÁBYRGÐ COCA-COLA TAKMÖRKUÐ SAMKVÆMT ÞESSUM SKILMÁLUM?

Fyrirvari Coca‑Cola um ábyrgð

ÞEGAR GILDANDI LÖG HEIMILA ÞAÐ ER ÞJÓNUSTAN VEITT EINS OG HÚN KEMUR FYRIR OG MEÐ ÖLLUM VILLUM OG GÖLLUM ÁN ÁBYRGÐAR.

EFTIR ÞVÍ SEM GILDANDI LÖG HEIMILA AFSALAR COCA-COLA, FYRIR EIGIN HÖND OG FYRIR HÖND HLUTDEILDARFÉLAGA ÞESS OG LEYFISHAFA ÞEIRRA OG EFNI OG BIRGJA (KALLAST SAMAN AÐILAR COCA-COLA), SÉR ALLRI ÁBYRGÐ, BÆÐI BEINNI, ÓBEINNI, LÖGSKYLDRI EÐA ANNARRI, Í TENGSLUM VIÐ ÞJÓNUSTUNA, ÞAR MEÐ TALDAR ALLAR ÓBEINAR ÁBYRGÐIR Á SÖLUHÆFI, HÆFI FYRIR ÁKVEÐINN TILGANG, TITLI OG LÖGHLÝÐNI, ÁSAMT ÁBYRGÐUM SEM GETA KOMIÐ FRAM VEGNA VIÐSKIPTA, FRAMMISTÖÐU, NOTKUNAR EÐA VIÐSKIPTAHÁTTA. ÁN TAKMÖRKUNAR Á OFANGREINDU BERA AÐILAR COCA-COLA ENGA ÁBYRGÐ EÐA LOFORÐ EÐA STAÐFESTINGU AF NOKKRU TAGI UM AÐ ÞJÓNUSTAN MUNI UPPFYLLA SKILYRÐI ÞÍN, NÁ TILÆTLUÐUM ÁRANGRI, VERÐI SAMHÆF EÐA VIRKI MEÐ ÖÐRUM HUGBÚNAÐI, KERFUM EÐA ÞJÓNUSTU, VIRKI ÁN TRUFLANA, UPPFYLLI STAÐLA UM FRAMMISTÖÐU EÐA ÁREIÐANLEIKA EÐA VERÐI LAUS VIÐ ALLAR VILLU, NÉ HELDUR AÐ VILLUR EÐA GALLAR GETI VERIÐ EÐA VERÐI LEIÐRÉTTAR.

ÁKVEÐIN LÖGSAGA GETUR HINDRAÐ LEYFI FYRIR ÚTILOKUN EÐA TAKMÖRKUN Á ÓBEINUM ÁBYRGÐUM EÐA TAKMÖRKUN Á GILDANDI LÖGSKYLDUM RÉTTINDUM NEYTANDA ÞANNIG AÐ MÖGULEGA EIGA EINHVERJAR EÐA ALLAR AF OFANGREINDUM ÚTILOKUNUM OG TAKMÖRKUNUM EKKI VIÐ UM ÞIG.

 

Takmörkun á ábyrgð Coca‑Cola

Coca‑Cola ber ábyrgð á sanngjörnu beinu og fyrirsjáanlegu tjóni sem verður til vegna efnislegs brots Coca‑Cola gegn þessum skilmálum, háð ákvæðunum í þessum skilmálum.

Eftir því sem gildandi lög leyfa ber Coca‑Cola ekki og mun ekki bera ábyrgð eða skaðabótaskyldu vegna:

  • Tjóns sem er ekki fyrirsjáanlegt, þar á meðal óbeinar skemmdir.
  • Refsibóta.
  • Taps á hagnaði, viðskiptum, samningi, truflun á rekstri, taps á áætluðum hagnaði, velvilja eða viðskiptatækifæri í tengslum við notkun þína á þjónustunni.
  • Vírusa eða annarra spilliforrita sem bárust með aðgangi að þjónustunni eða vegna villu, galla, tafa eða truflana á þjónustunni
  • Taps sem tengist aðgerðum þriðju aðila, meðal annars notkun eða vangeta til að nota tengda þjónustu.

FYRIR UTAN ÞAÐ SEM GILDANDI LÖG KVEÐA Á UM MUN HEILDARSKAÐABÓTASKYLDA AÐILA COCA-COLA GAGNVART ÞÉR VEGNA KRAFNA SEM ERU LAGÐAR FRAM VEGNA EÐA Í TENGSLUM VIÐ NOTKUN Á EÐA VANGETU TIL AÐ NOTA ÞJÓNUSTUNA, EÐA VEGNA EÐA Í TENGSLUM VIÐ ÞESSA SKILMÁLA Í ENGUM TILFELLUM FARA YFIR EITT HUNDRAÐ BANDARÍKJADALI ($100,00), HVORT SEM ER Í SAMNINGI, SKAÐABÓTARÉTTI EÐA ANNARS STAÐAR.

Ekkert í þessum skilmálum er ætlað til að útiloka eða takmarka skaðabótaábyrgð á ólöglegan hátt, þar á meðal skaðabótaábyrgð vegna andláts eða persónulegra áverka af völdum vanrækslu af okkar hálfu eða sviksamlegra villandi upplýsinga eða annars viljandi athæfis. EF EINHVERJAR AF OFANGREINDUM TAKMÖRKUNUM REYNAST ÓGILDAR MUN HEILDARSKAÐABÓTAÁBYRGÐ AÐILA COCA-COLA VEGNA ALLS TJÓNS, TAPS EÐA AÐGERÐA AF NOKKRU TAGI VERA TAKMÖRKUÐ EFTIR ÞVÍ SEM GILDANDI LÖG HEIMILA.

SEM NEYTANDI NÝTUR ÞÚ GÓÐS AF ÖLLUM LÖGSKYLDUM ÁKVÆÐUM Í LÖGUM ÞEIRRAR LÖGSÖGU ÞAR SEM ÞÚ HEFUR BÚSETU. EKKERT Í ÞESSUM SKILMÁLUM HEFUR ÁHRIF Á RÉTTINDI ÞÍN SEM NEYTANDI TIL AÐ NÝTA ÞÉR LÖGSKYLD ÁKVÆÐI STAÐBUNDINNA LAGA.

14. HVERNIG MUN COCA-COLA EIGA SAMSKIPTI VIÐ NEYTENDUR?

Þegar þú notar þjónustuna eða sendir okkur tölvupósta átt þú í rafrænum samskiptum við okkur. Háð valkostum þínum og reikningsstillingum munum við eiga samskipti við þig með margvíslegum rafrænum hætti, til dæmis með tölvupósti, textaskilaboðum eða tilkynningum í forritum, eða með því að birta skilaboð í forritinu eða með öðrum leiðum í gegnum þjónustuna. Sum þessara samskipta eru sjálfvirk og sum eru send sjálfkrafa sem hluti af þjónustunni. Við kunnum að bæta við eða fjarlægja sumar tegundir samskipta endrum og eins. Þú getur stillt hvort þú fáir rafræn samskipti í reikningsstillingunum. Þótt þú getir slökkt á sumum samskiptum kunnum við samt sem áður að senda þér tilkynningar eftir þörfum til að við getum veitt þér ákveðna hluta þjónustunnar, til dæmis til að tilkynna þér um öryggistilvik.

Þú samþykkir að allir samningar, tilkynningar, upplýsingar og önnur samskipti sem við sendum þér rafrænt uppfylli öll lagaleg skilyrði og sömu samskipti væru skriflega, nema gildandi áskilin lög krefjist sérstaklega samskipta á öðru sniði. Sum rafræn samskipti geta haft í för með sér gjöld frá símafyrirtækinu þínu eða þjónustuveitu.

Ef netfangið þitt eða aðrar samskiptaupplýsingar breytast berð þú ábyrgð á að láta Coca‑Cola vita. Breytingar á netfanginu munu gilda um öll samskipti okkar til þín.

Sum samskipti geta innihaldið upplýsingar um reikninginn þinn, til dæmis beiðni um endurstillingu aðgangsorðs. Fólk með aðgang að netfanginu þínu eða farsíma getur séð innihald þessara samskipta.

Þegar við sendum markaðs- eða auglýsingaefni gerum við það byggt á samþykki þínu eftir því sem krafist er. Þú getur líka stýrt markaðssamskiptum okkar í tölvupósti með því að smella á tengilinn til að hætta í áskrift í síðufætinum í öllum auglýsingapóstum.

15. HVERNIG HEF ÉG SAMBAND VIÐ COCA-COLA?

Til að hafa samband við Coca‑Cola um þessa skilmála, persónuverndarstefnu Coca‑Cola fyrir neytendur eða vinnslu Coca‑Cola á persónuupplýsingum skaltu fara á https://www.coca-colacompany.com/contact-us/contact-us-form.

Þú getur einnig haft samband við okkur með því að skrifa bréf til The Coca Cola Company, P.P. Box 1734, Atlanta, GA 30301, eða með því að hringja í síma 1.800.GET.COKE (1.800.438.2653) eða með því að nota aðrar sértækar upplýsingar fyrir lögsögur sem eru gerðar tiltækar í gegnum þjónustuna.

Til að hafa samband við Coca‑Cola varðandi persónuverndarstefnu okkar og hvernig við meðhöndlum persónuupplýsingar sem við söfnum um notendur skal nota samskiptaupplýsingarnar sem eru tilgreindar í persónuverndarstefnu Coca‑Cola fyrir neytendur https://www.coca-colacompany.com/contact-us/contact-us-form.

16. ANNAÐ

a. Þessir skilmálar (ásamt persónuverndarstefnu Coca‑Cola fyrir neytendur eða önnur persónuverndarstefna eða tilkynning sem hefur verið birt þér) innihalda eina og alla túlkun Coca‑Cola og, í tengslum við þig, hvað varðar þjónustuna og umfjöllunarefni þessara skilmála og gilda fram yfir allar fyrri og núgildandi túlkanir og samninga, skriflega eða munnlega, varðandi þjónustuna.

b. Þú samþykkir að þegar þú notar lyklaborð, mús eða annað tæki til að velja hnapp eða tákn eða svipaða aðgerð til að veita Coca‑Cola staðfestingu eða samþykki jafngildir það rafrænni undirskrift þinni, sem er jafngild skriflegri undirskrift þinni. Þú samþykkir líka að ekki er þörf á staðfestingu þriðja aðila til að staðfesta rafræna undirskrift þína. Þú samþykkir einnig að í hvert skipti sem þú notar rafræna undirskrift þína í tengslum við þjónustuna jafngildir hún samþykki þínu um að gangast undir þessa þjónustuskilmála eins og þeir koma fyrir þann dag sem þú undirritaðir rafrænt.

c. Þessir skilmálar gilda til hagsmuna fyrir Coca‑Cola og eru bindandi fyrir eftirmenn þína og úthlutaða eftirmenn.

d. Coca‑Cola getur úthlutað þessum skilmálum til eftirmanns (í heild eða að hluta til) en þú mátt ekki úthluta skilmálunum nema að fengnu skriflegu leyfi frá Coca‑Cola.

e. Ef eitthvert ákvæði í þessum skilmálum telst vera ógilt, ólöglegt, eða óframkvæmanlegt af einhverri ástæðu, fyrir rétti eða hjá öðrum lögmætum dómstólum skal það ákvæði vera útilokað eða takmarkað að minnsta mögulega leyti þannig að eftirstandandi ákvæði gildi áfram með sömu áhrifum og ef óframkvæmanlega eða ógilda ákvæðið hafi ekki verið notað.

f. Engin niðurfelling Coca‑Cola á ákvæði eða skilyrði sem sett eru fram í þessum skilmálum skulu teljast áframhaldandi niðurfelling slíks ákvæðis eða niðurfelling á nokkru öðru ákvæði. Vanræksla Coca‑Cola á að nýta sér réttindi eða ákvæði í þessum skilmálum skal ekki teljast jafngilda niðurfellingu á slíkum réttindum eða ákvæði.

g. Ekkert í þessum skilmálum býr til samstarf, sameignarfélag, umboð eða annað álíka samband á milli Coca‑Cola og þín.

h. Ef Coca‑Cola eða þú geta ekki framkvæmt skyldu samkvæmt þessum skilmálum vegna óviðráðanlegrar ástæðu hjá aðilanum sem nýtir þetta ákvæði, fær sá aðili frest til að uppfylla skyldur sínar þar til töfin eða vangeta til að framkvæma er liðin.

i. Titlar og hástafir eru eingöngu ætlaðir til þægindaauka. Fyrir utan það sem tekið er fram eða skýrt frá út frá samhengi telst notkun orðanna, meðal annars, þar á meðal, sér í lagi, til dæmis, og svipuð orðasambönd vera eingöngu dæmi og takmarkar ekki merkingu orðanna, lýsinganna, skilgreininganna, setninganna eða hugtakanna sem koma á undan eða eftir þessum orðum.

17. ÚRLAUSN ÁGREININGS

Coca‑Cola vill gjarnan reyna að leysa úr öllum ágreiningi vegna þjónustunnar beint við þig. Ef þú vilt tilkynna okkur um mál skaltu vinsamlegast hafa samband við okkur á https://www.coca-colacompany.com/contact-us/contact-us-form.

Þú samþykkir að leysa úr ágreiningi, kröfum eða málsóknum sem koma til vegna eða í tengslum við notkun þína á þjónustunni (kallast hvert fyrir sig ágreiningsmál) eins og lýst er í 17. hluta. Háð sérstökum ákvæðum lögsögu hér fyrir neðan heyra þessir skilmálar og notkun þín á þjónustunni undir lögin í ríkinu Georgíu í Bandaríkjunum, án tillits til vals á lagaákvæðum.

Notkun á samningi Sameinuðu þjóðanna fyrir alþjóðlega sölu á vörum er útilokaður.

EFTIR ÞVÍ SEM GILDANDI LÖG HEIMILA. ÞÚ SAMÞYKKIR AÐ ALLAR MÁLSÓKNIR SEM VERÐA TIL VEGNA EÐA Í TENGSLUM VIÐ ÞJÓNUSTUNA VERÐI AÐ HEFJAST INNAN EINS (1) ÁRS FRÁ ÞVÍ AÐ MÁLSÓKNIN ER LÖGÐ FRAM; AÐ ÖÐRU LEYTI ER MÁLSÓKNIN VARANLEGA ÚTILOKUÐ.

Fyrir neytendur í Kanada: Þú og Coca‑Cola samþykkið að þessir skilmálar heyri undir og séu túlkaðir í samræmi við lögin í Ontario-héraði og gildandi lög í Kanada. Þú samþykkir að málsóknir eða sættir sem koma upp vegna eða í tengslum við þessa skilmála skulu eingöngu vera lagðar fram í héraðs- eða alríkisdómstólum í Toronto, Ontario og þú samþykkir hér með að hlíta einni lögsögu slíkra dómstóla í tilgangi málsóknarinnar.

Fyrir neytendur í ESB: Ef þú ert með búsetu í ESB geturðu lagt fram kröfu til að krefjast réttar þíns samkvæmt neytendaverndarlögum í tengslum við þessa skilmála í því aðildarríki ESB sem þú býrð í. Einnig býður framkvæmdastjórn Evrópu upp á vefsvæði fyrir úrlausn ágreinings sem hægt er að finna hér: https://ec.europa.eu/consumers/odr. Frekari upplýsingar um réttindi þín sem neytandi má finna hér.

Fyrir neytendur á Ítalíu: Leyst verður úr ágreiningi á milli þín og okkar í tengslum við þessa skilmála eingöngu fyrir dómstólum á þeim stað þar sem þú hefur búsetu. Þú getur líka beðið um leið utan dómstóla til að leysa ágreining í tengslum við þessa skilmála (í samræmi við ákvæði 141 – 141 decies í neytendalögum Ítalíu, 6. september 2005 nr. 206). Til dæmis geturðu notað eða ráðfært þig við evrópska vefsvæðið fyrir úrlausn ágreinings sem vísað er til hér á undan.

Fyrir neytendur í Bangladess, Bhutan, Indlandi, Maldíveyjum, Nepal og Sri Lanka: Þessir skilmálar og notkun þín á þjónustunni heyra undir lög staðarins þar sem þú býrð, án tillits til vals á lagaákvæðum. Dómstólar lögbærrar lögsögu þar sem þú býrð hafa einir lögsögu yfir öllum ágreiningi sem kemur upp vegna eða í tengslum við þessa skilmála.

Fyrir neytendur í Bretlandi: Þessir skilmálar og efni þeirra heyra undir og eru samdir í samræmi við lög í Englandi og Wales. Þú og við samþykkjum að dómstólar Englands og Wales munu hafa einir lögsögu (nema ef þú ert með búsetu á Norður-Írlandi, þá geturðu einnig hafið málsókn á Norður-Írlandi og ef þú ert með búsetu á Skotlandi getur þú einnig hafið málsókn á Skotlandi.)

 

Fyrir neytendur í Bandaríkjunum:

Val á gerðardómsmanni og reglum:  Ágreiningur verður að vera sendur eingöngu til American Arbitration Association (AAA) til að vera tekinn til meðferðar samkvæmt gerðardómsreglum þeirra fyrir neytendur. Ef AAA getur eða vill ekki af einhverri ástæðu taka gerðardóminn til meðferðar í samræmi við þessa skilmála munu þú og ég velja annan gerðardómsmann í samræmi við 9 U.S. Code § 5.

Áskilinn (stakur) gerðardómur Þú samþykkir að leyst verði úr öllum ágreiningi á milli okkar eingöngu fyrir stökum gerðardómi (ekki hópmáli). Allir aðilar skulu hlíta ákvæðum Federal Arbitration Act, 9 U.S.C. § 1 et seq. Gerðardómur þýðir að það verður enginn kviðdómur og enginn dómari.

Umfang gerðardóms.  Gerðardómsmaður skal einn kveða upp úrskurð í öllum málum ágreiningsins og nota þessa skilmála. Gerðardómsmaðurinn skal einnig svara úr öllum spurningum um hvort ágreiningur eða mál þurfi að fara fyrir gerðardóm. Gerðardómsmaðurinn skal ekki hafa vald sem hóplögsókn eða fulltrúalögsókn til að kveða upp úrskurð í ágreiningi . Gerðardómsmaðurinn skal ekki hafa völd til að veita úrbætur til neinna nema þín eða okkar.

Undantekningar á gerðardómi (smærri mál). Ágreiningur þar ekki að fara fyrir gerðardóm ef hægt er að leysa úr honum að fullu í dómstólum fyrir smærri mál (Small Claims Court).

Staðarval (Fulton County, Georgía). Þú samþykkir að flutningur allra ágreiningsmála skuli fara eingöngu fram í Fulton County, Georgíuríki, nema aðilar hafi samþykkt annað eða gerðardómsmaður ákveðið annað. Þú samþykkir lögsögu Georgíuríkis fyrir allan tilgang.

Lagaval (Georgía) Þessir skilmálar og notkun þín á þjónustunni heyra undir lög Georgíuríkis í Bandaríkjunum, án tillits til vals á lagaákvæðum. Hins vegar skal ákvörðun um hvort fara skuli með ágreining fyrir gerðardóm og hvað varðar fyrirkomulag gerðardóms, heyra eingöngu undir Federal Arbitration Act, 9 U.S.C. § 1 et seq.

Mögulegar úrlausnir fyrir gerðardómi. Gerðardómsmanni er heimilt að veita þær úrbætur, úrræði eða niðurstöður sem aðilarnir hefðu fengið fyrir dómstólum, þar á meðal veitingu lögmannsþóknunar og kostnaðar, í samræmi við lögin sem gilda um málið, fyrir utan fyrirskipaðar úrbætur.

Fyrirskipaðar úrbætur. Gerðardómsmanni er ekki heimilt að gefa út fyrirskipun. Ef annar hvor aðili í ágreiningsmáli sækist eftir fyrirskipuðum úrbótum mun gerðardómsmaður ljúka við gerðardóm ágreiningsins, ákveða skaðabætur í peningum (ef einhverjar eru) og síðan getur aðilinn sem sækist eftir fyrirskipuðum úrbótum leggja fram nýja málsókn fyrir ríkis- eða alríkisdómstóla í Fulton County, Georgíuríki, eingöngu fyrir fyrirskipaðar úrbætur. Staðreyndir og lagalegar niðurstöður gerðardómsmannsins mega ekki vera lagðar fram sem sönnunargögn eða teljast sem fordæmi í þessari málsókn sem kemur á eftir.

 

AFSAL HÓPMÁLSÓKNAR

Þegar gildandi lög heimila og í Bandaríkjunum, samþykkja Coca‑Cola og þú að allar málsmeðferðir til úrlausnar ágreinings skuli fara fram eingöngu á einstaklingsgrundvelli og ekki sem hópmálsókn eða fulltrúamálsókn. Báðir aðilar afsala sér réttinum til réttarhalda fyrir kviðdómi.

18. SÉRSTAKIR SKILMÁLAR LÖGSÖGU 

HÉR Á EFTIR ERU UPPLÝSINGAR UM RÉTTINDI NEYTENDA OG VALKOSTIR FYRIR TILTEKNA LÖGSÖGU. VIÐ HVETJUM ÞIG TIL AÐ FARA YFIR ÞÁ HLUTA SEM EIGA VIÐ UM ÞIG.

Fyrir neytendur í Kaliforníu: Ef þú ert yngri en 18 ára og með búsetu í Kaliforníu geturðu átt rétt á að biðja um að láta fjarlægja notandaefni sem þú ákvaðst að birta opinberlega í þjónustunni. Til að biðja um að láta fjarlægja notandaefni skaltu hafa samband við Coca‑Cola á privacy@coca-cola.com með efnislínunni “California Minor User Content Removal”. Athugað að rétturinn til að láta fjarlægja er ekki algildur – rétturinn gildir um upprunalega birtingu þína á notandaefninu en ekki deilingar eða birtingar annarra og ekki um efni sem þú deildir frá öðru fólki. Rétturinn til að láta fjarlægja gildir ekki heldur ef þú fékkst þóknun eða aðra uppbót fyrir að hafa birt notandaefni. Coca‑Cola getur ekki tryggt að hægt sé að fjarlægja allt notandaefni af netinu.

Ef þú ert íbúi Kaliforníu og vilt biðja Coca‑Cola um að fjarlægja upplýsingar sem við geymum um þig skaltu skoða hlutann um Kaliforníu í persónuverndarstefnu Coca‑Cola.

Ef þjónustan telst á einhverjum tíma vera rafræn viðskiptaþjónusta (samkvæmt skilgreiningu í California Civil Code Section 1789.3) eiga íbúar Kaliforníu rétt á eftirfarandi upplýsingum um réttindi neytenda:

Veitandi þjónustunnar er: The Coca‑Cola Company, One Coca‑Cola Plaza, Atlanta, Georgia 30313.

Ef þjónustan telst vera rafræn viðskiptaþjónusta getur þú lagt fram kvörtun varðandi þjónustuna eða fengið frekari upplýsingar um notkun þjónustunnar með því að senda tölvupóst á https://www.coca-colacompany.com/contact-us/contact-us-form. Þú getur einnig haft samband við okkur með því að skrifa bréf til The Coca Cola Company, P.P. Box 1734, Atlanta, GA 30301 eða með því að hringja í síma 1.800.GET.COKE (1.800.438.2653)

Fyrir alla neytendur í Bandaríkjunum: Upplýsingar um hvernig á að tilkynna um brot á höfundarrétti samkvæmt Digital Millennium Copyright Act frá 1998 („DMCA“) má finna í DMCA stefnu okkar.

Fyrir neytendur í Þýskalandi: Ekkert í þessum skilmálum takmarkar eða útilokar skaðabótaábyrgð Coca‑Cola vegna alvarlegrar vanrækslu gagnvart neytendum í Þýskalandi. Í samræmi við reglur auglýsingabandalags Þýskalands (Deutscher Werberat, ZAW) birtir Coca‑Cola ekki auglýsingar eða markaðsefni sem er beint að neytendum yngri en 14 ára. Þar af leiðandi beinist þjónustan ekki til og er ekki ætluð til notkunar af neinum yngri en 14 ára.